SignIn
Kerala Kaumudi Online
Wednesday, 25 November 2020 5.30 PM IST

സന്ദീപിന്റെ രഹസ്യമൊഴി പകർപ്പിനായി കസ്റ്റംസിന്റെ അപേക്ഷ തള്ളി

sandeep-nair

കൊച്ചി : നയതന്ത്ര ചാനൽ വഴിയുള്ള സ്വർണക്കടത്തു കേസിൽ മുഖ്യപ്രതി സന്ദീപ് നായർ നൽകിയ രഹസ്യ മൊഴിയുടെ പകർപ്പിനുവേണ്ടി കസ്റ്റംസ് നൽകിയ അപേക്ഷ എറണാകുളം എൻ.ഐ.എ കോടതി തള്ളി. സ്വർണക്കടത്തിന് ഭീകരവാദ ബന്ധമുണ്ടെന്ന സൂചനയെത്തുടർന്ന് എൻ.ഐ.എ രജിസ്റ്റർ ചെയ്ത കേസിലാണ് മാപ്പു സാക്ഷിയാകുന്നതിനു മുന്നോടിയായി സന്ദീപ് നായർ കോടതിയിൽ അപേക്ഷ നൽകി രഹസ്യ മൊഴി നൽകിയത്.മൊഴികൾ സ്വർണക്കടത്തിന്റെ അന്വേഷണത്തിന് ഏറെ സഹായകമാകുമെന്ന് ചൂണ്ടിക്കാട്ടി കസ്റ്റംസ് കഴിഞ്ഞ ദിവസം എൻ.ഐ.എ കോടതിയിൽ അപേക്ഷ നൽകിയിരുന്നു. മുദ്രവെച്ച കവറിൽ സമർപ്പിച്ച മൊഴിയുടെ പകർപ്പ് കേസിന്റെ അന്വേഷണ ഘട്ടത്തിൽ നൽകരുതെന്ന് എൻ.ഐ.എയുടെ അഭിഭാഷകൻ വാദിച്ചു. രഹസ്യമൊഴി പുറത്തു നൽകുന്നത് അന്വേഷണത്തെ പ്രതികൂലമായി ബാധിക്കുമെന്നും പ്രതിയുടെ ജീവനെപ്പോലും അതു ബാധിക്കാനിടയുണ്ടെന്നും എൻ.ഐ.എ വാദിച്ചു. ഈ വാദങ്ങൾ കോടതി അംഗീകരിച്ചു.

രണ്ടു പ്രതികൾക്ക് കൂടി ജാമ്യം

സ്വർണക്കടത്തു കേസിൽ ഹംസദ് അബ്ദു സലാം, സംജു എന്നീ പ്രതികൾക്ക് എൻ.ഐ.എ കോടതി ജാമ്യം അനുവദിച്ചു. ഇതോടെ 30 പ്രതികളുള്ള കേസിൽ 12 പേർക്ക് ജാമ്യം ലഭിച്ചു. പത്ത് ലക്ഷം രൂപയുടെ ബോണ്ടും തുല്യ തുകയ്ക്കുള്ള രണ്ട് ആൾജാമ്യവുമാണ് മുഖ്യ വ്യവസ്ഥ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOLD SMUGGLING CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.