കാസർകോട് 187 പേർക്ക് കൊവിഡ്

സമ്പർക്കം 179 രോഗമുക്തി 182

കാസർകോട്: ജില്ലയിൽ 187 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 179 പേർക്കും വിദേശത്ത് നിന്നെത്തിയ അഞ്ച് പേർക്കും ഇതരസംസ്ഥാനത്ത് നിന്നെത്തിയ മൂന്നു പേർക്കുമാണ് രോഗം സ്ഥിരീകരിച്ചത്. ഇതോടെ ഇതുവരെ രോഗം സ്ഥിരീകരിച്ചവരുടെ എണ്ണം 18,351 ആയി.
182 പേർക്ക് ഇന്നലെ കൊവിഡ് നെഗറ്റീവായതോടെ ഇതുവരെ രോഗം ഭേദമായവരുടെ എണ്ണം 16,428 ആയി. നിലവിൽ ജില്ലയിൽ 1740 പേരാണ് ചികിത്സയിലുള്ളത്. ഇതിൽ 1161 പേർ വീടുകളിലാണ്.

നിരീക്ഷണത്തിലുള്ള 4741 പേരിൽ 4095 പേർ വീടുകളിലും 646 പേർ സ്ഥാപനങ്ങളിലുമാണ്. സെന്റിനൽ സർവ്വേ അടക്കം വ്യാഴാഴ്ച 1230 പേരുടെ സാമ്പിളുകൾ കൂടി പരിശോധനയ്ക്ക് അയച്ചു. ഇതുവരെ 1,27,801സാമ്പിളുകളാണ് പരിശോധനയ്ക്ക് അയച്ചത്. 180 പേരുടെ പരിശോധന ഫലം ലഭിക്കാനുണ്ട്.