SignIn
Kerala Kaumudi Online
Friday, 22 January 2021 3.39 PM IST

ട്രാൻ.ബസിൽ മദ്യക്കുപ്പി : ഡ്രൈവർക്കും കണ്ടക്ടർക്കും സസ്പെൻഷൻ

alcohol

പൊൻകുന്നം : കെ.എസ്.ആർ.ടി.സി പൊൻകുന്നം ഡിപ്പോയിലെ മണക്കടവ് സർവീസ് നടത്തുന്ന ബസിൽ നിന്ന് 40 കുപ്പി വിദേശമദ്യം കണ്ടെടുത്ത സംഭവത്തിൽ ഡ്രൈവറെയും കണ്ടക്ടറെയും അന്വേഷണ വിധേയമായി സസ്‌പെൻഡ് ചെയ്തു. കണ്ടക്ടർ കെ.ബി.രാജീവ്, ഡ്രൈവർ റോയിമോൻ ജോസഫ് എന്നിവർക്കെതിരെയാണ് നടപടി. പോണ്ടിച്ചേരിയിൽ മാത്രം വില്പനാവകാശമുള്ള 40 കുപ്പി വിദേശ മദ്യം കഴിഞ്ഞ മാർച്ച് 4 നാണ് എക്‌സൈസ് സംഘം പരിശോധനയ്ക്കിടെ ബസിൽ നിന്ന് കണ്ടെത്തിയത്. ബസിൽ പതിവായി മദ്യം കടത്തുന്നുവെന്ന് രഹസ്യവിവരം ലഭിച്ചതിനെ തുടർന്നായിരുന്നു പരിശോധന. പിന്നിലെ സീറ്റിനടിയിൽ രണ്ട് കാർഡ് ബോർഡ് പെട്ടികളിലായാണ് മദ്യം സൂക്ഷിച്ചിരുന്നത്. കണ്ടെടുത്ത മദ്യക്കുപ്പികൾ തലശ്ശേരി എക്‌സൈസ് റേഞ്ച് ഓഫീസിൽ ഏല്പിക്കുകയും അബ്കാരി കേസ് രജിസ്റ്റർ ചെയ്യുകയും ചെയ്തിരുന്നു. മദ്യം കയറ്റിയ സ്ഥലം അറിയില്ലെന്ന ജീവനക്കാരുടെ മൊഴി വിശ്വസനീയമല്ലെന്നാണ് വിജിലൻസിന്റെ കണ്ടെത്തൽ. മദ്യക്കുപ്പികൾ കയറ്റുന്നതിന് ബസ് മാഹിയിൽ നിറുത്തിക്കൊടുത്തുവെന്ന് അന്വേഷണ റിപ്പോർട്ടിൽ പറയുന്നുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOTTAYAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.