SignIn
Kerala Kaumudi Online
Friday, 04 December 2020 9.57 AM IST

പോപ്പുലർ ഫിനാൻസ് തട്ടിപ്പ്: ​ ബഡ്സ് നിയമ പ്രകാരം വിചാരണ,​ കേസുകൾ രണ്ട് കോടതികളിൽ

pop

സമാനകേസുകളുടെ വിചാരണയും ഇനി ഈ കോടതികളിൽ

കൊല്ലം: പോപ്പുലർ ഫിനാൻസ് തട്ടിപ്പ് കേസുകൾ കേന്ദ്ര നിക്ഷേപ സംരക്ഷണ നിയമപ്രകാരം (ബാനിംഗ് ഒഫ് അൺറെഗുലേറ്റഡ് ഡെപ്പോസിറ്റ് സ്‌കീംസ് ആക്ട് - ബഡ്സ്) വിചാരണ നടത്തും. സംസ്ഥാനത്തെ രണ്ട് കോടതികളിലായിരിക്കും വിചാരണ. തെക്കൻ ജില്ലകളിലെ കേസുകൾ ആലപ്പുഴ അഡീഷണൽ ഡിസ്ട്രിക്ട് ആൻഡ് സെഷൻസ് കോടതി മൂന്നും വടക്കൻ ജില്ലകളിലേത് തൃശൂർ അഡീഷണൽ ഡിസ്ട്രിക്ട് ആൻഡ് സെഷൻസ് കോടതി മൂന്നുമാണ് പരിഗണിക്കുക. രണ്ട് കോടതികൾക്കും ചുമതല നൽകി ഹൈക്കോടതി ഉത്തരവായി. സംസ്ഥാന ആഭ്യന്തര വകുപ്പ് സെക്രട്ടറി ഇതുസംബന്ധിച്ച് ഹൈക്കോടതിക്ക് കത്ത് നൽകിയിരുന്നു.

സമാനമായ സാമ്പത്തിക തട്ടിപ്പുകേസുകളുടെയും വിചാരണ ഇനി ഈ കോടതികളിലാകും നടക്കുക.

ഇത്തരം കേസുകളുടെ വിശദാംശങ്ങൾ അറിയിക്കാൻ ജില്ലാ ജഡ്ജിമാരോട് ഹൈക്കോടതി ആവശ്യപ്പെട്ടിട്ടുണ്ട്.

പോപ്പുലർ ഫിനാൻസിന്റെ പേരിലുള്ള എല്ലാ സ്വത്തുവകകളും അതത് ജില്ലാ കളക്ടർമാർ ഏറ്റെടുത്ത് കഴിഞ്ഞു. കണ്ടുകെട്ടുന്ന തുകയും സ്വത്തുക്കൾ ലേലം ചെയ്‌തോ വിറ്റോ കിട്ടുന്ന തുകയും ബന്ധപ്പെട്ട കോടതികളാവും നിക്ഷേപകർക്ക് തിരിച്ചുകൊടുക്കുക. അത് എങ്ങനെയെന്ന് പിന്നീട് തൃശൂരിലെയും ആലപ്പുഴയിലെയും കോടതികൾ തീരുമാനിക്കും.

ബഡ്സ് ആക്ട്

. വലിയ പലിശ വാഗ്ദാനം ചെയ്ത് നിക്ഷേപ തട്ടിപ്പ് നടത്തുന്നവരെ പൂട്ടുന്നതാണ് നിയമം.

. സംസ്ഥാനത്തെ എല്ലാ പണമിടപാട് സ്ഥാപനങ്ങളും ഇനി ബഡ്‌സ് ആക്ടിന്റെ കീഴിൽ വരും.

. നിക്ഷേപ തട്ടിപ്പുമായി ബന്ധപ്പെട്ട് പരാതി ലഭിച്ചാൽ 15 ദിവസത്തിനുള്ളിൽ പണമിടപാട് സ്ഥാപനം പൂട്ടാം.

. കേസെടുത്താൽ പണമിടപാട് സ്ഥാപനം ഒരു വർഷത്തിനുള്ളിൽ നടത്തിയ എല്ലാ സാമ്പത്തിക ഇടപാടുകളും റദ്ദാക്കി സ്വത്ത് തിരിച്ചുപിടിക്കാനുമാകും.

 1,600 കോടിയുടെ തട്ടിപ്പ്

കേരളത്തിലെ വമ്പൻ നിക്ഷേപ തട്ടിപ്പുകളിലൊന്നാണ് പോപ്പുലർ ഫിനാൻസിന്റേത്. 20,000ത്തിലേറെ പേരിൽ നിന്നായി 1,600 കോടി രൂപയോളം തട്ടിയെടുത്തെന്നാണ് കണ്ടെത്തൽ.

റോ​യി​യു​ടെ​ ​ജാ​മ്യാ​പേ​ക്ഷ​ ​തീ​ർ​പ്പാ​ക്കി

പോ​പ്പു​ല​ർ​ ​ഫി​നാ​ൻ​സ് ​ത​ട്ടി​പ്പു​മാ​യി​ ​ബ​ന്ധ​പ്പെ​ട്ട് ​ര​ജി​സ്റ്റ​ർ​ ​ചെ​യ്ത​ ​ആ​ദ്യ​ ​കേ​സി​ൽ​ ​ജാ​മ്യ​ത്തി​നാ​യി​ ​പ്ര​തി​ ​റോ​യി​ ​ഡാ​നി​യ​ലി​ന് ​വി​ചാ​ര​ണ​ക്കോ​ട​തി​യെ​ ​സ​മീ​പി​ക്കാ​മെ​ന്ന് ​വ്യ​ക്ത​മാ​ക്കി​ ​ഹൈ​ക്കോ​ട​തി​ ​ഇ​യാ​ളു​ടെ​ ​ജാ​മ്യ​ ​ഹ​ർ​ജി​ ​തീ​ർ​പ്പാ​ക്കി.​ ​പ​ണം​ ​ന​ഷ്ട​പ്പെ​ട്ടെ​ന്നാ​രോ​പി​ച്ച് ​ആ​നി​യ​മ്മ​ ​എ​ന്ന​ ​സ്ത്രീ​ ​ന​ൽ​കി​യ​ ​കേ​സി​ൽ​ ​റോ​യ് ​തോ​മ​സ് ​ഉ​ൾ​പ്പെ​ടെ​ ​പ്ര​തി​ക​ൾ​ ​ആ​ഗ​സ്റ്റ് 30​ ​നാ​ണ് ​അ​റ​സ്റ്റി​ലാ​യ​ത്.​ ​ക​സ്റ്റ​ഡി​യി​ൽ​ 60​ ​ദി​വ​സം​ ​പി​ന്നി​ട്ട​ ​സാ​ഹ​ച​ര്യ​ത്തി​ൽ​ ​വി​ചാ​ര​ണ​ക്കോ​ട​തി​യി​ൽ​ ​സ്വാ​ഭാ​വി​ക​ ​ജാ​മ്യ​ത്തി​ന് ​അ​പേ​ക്ഷി​ക്കാ​മെ​ന്നും​ ​നി​ക്ഷേ​പ​ത്ത​ട്ടി​പ്പ് ​കേ​സു​ക​ൾ​ ​പ​രി​ഗ​ണി​ക്കു​ന്ന​ ​ആ​ല​പ്പു​ഴ​യി​ലെ​ ​പ്ര​ത്യേ​ക​ ​കോ​ട​തി​യെ​ ​സ​മീ​പി​ക്കാ​നു​മാ​ണ് ​നി​ർ​ദ്ദേ​ശം.

പ്ര​തി​കൾ ജാ​മ്യാ​പേ​ക്ഷ​ ​സ​മ​ർ​പ്പി​ച്ചു

ആ​ല​പ്പു​ഴ​:​ ​പോ​പ്പു​ല​ർ​ ​ഫി​നാ​ൻ​സ് ​ത​ട്ടി​പ്പ് ​കേ​സി​ലെ​ ​ഒ​ന്നു​ ​മു​ത​ൽ​ ​നാ​ലു​ ​വ​രെ​യു​ള്ള​ ​പ്ര​തി​ക​ൾ​ ​ജാ​മ്യ​ത്തി​നാ​യി​ ​ആ​ല​പ്പു​ഴ​ ​അ​ഡി​ഷ​ണ​ൽ​ ​സെ​ഷ​ൻ​സ് ​കോ​ട​തി​ ​മൂ​ന്നി​ൽ​ ​സ​മ​ർ​പ്പി​ച്ച​ ​ജാ​മ്യാ​പേ​ക്ഷ​ ​വാ​ദ​ത്തി​നാ​യി​ ​ന​വം​ബ​ർ​ ​ര​ണ്ടി​ലേ​ക്കു​ ​മാ​റ്റി.
പോ​പ്പു​ല​ർ​ ​ഫി​നാ​ൻ​സ് ​ ഉ​ട​മ​ ​റോ​യ് ​ഡാ​നി​യേ​ൽ,​ ​ഭാ​ര്യ​ ​പ്ര​ഭ​ ​ഡാ​നി​യേ​ൽ,​ ​മ​ക്ക​ളാ​യ​ ​റി​നു​ ​മ​റി​യം​ ​തോ​മ​സ്,​ ​റീ​ബ​ ​മ​റി​യം​ ​തോ​മ​സ് ​എ​ന്നി​വ​രാ​ണ് ​ കോ​ട​തി​യെ​ ​സ​മീ​പി​ച്ച​ത്.​ ​ക​ഴി​ഞ്ഞ​ ​ഏ​പ്രി​ൽ​ 20​ന് ​കോ​ന്നി​ ​പൊ​ലീ​സ് ​ര​ജി​സ്റ്റ​ർ​ ​ചെ​യ്ത​ ​കേ​സി​ലാ​ണ് ​ജാ​മ്യാ​പേ​ക്ഷ​ ​ന​ൽ​കി​യ​ത്.​
​പ്ര​തി​ക​ൾ​ ​ഹൈ​ക്കോ​ട​തി​യെ​ ​സ​മീ​പി​ച്ചെ​ങ്കി​ലും​ ​കേ​സ് ​ര​ജി​സ്റ്റ​ർ​ ​ചെ​യ്ത് 60​ ​ദി​വ​സം​ ​ക​ഴി​ഞ്ഞ​തി​നാ​ൽ​ ​സ്വാ​ഭാ​വി​ക​ ​ജാ​മ്യ​ത്തി​ന് ​ബ​ന്ധ​പ്പെ​ട്ട​ ​സെ​ഷ​ൻ​സ് ​കോ​ട​തി​യെ​ ​സ​മീ​പി​ക്കാ​ൻ​ ​നി​ർ​ദേ​ശി​ച്ചി​രു​ന്നു.​ ത​ട്ടി​പ്പു​മാ​യി​ ​ബ​ന്ധ​പ്പെ​ട്ട് ​നാ​ലു​ ​കേ​സു​ക​ളാ​ണ് ​കോ​ട​തി​യു​ടെ​ ​പ​രി​ഗ​ണ​ന​യി​ലു​ള്ള​ത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: POPULAR FINANCE SCAM
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.