SignIn
Kerala Kaumudi Online
Monday, 30 November 2020 4.55 AM IST

മകൾ കരച്ചിൽ നിർത്തിയില്ല, പ്രകോപിതനായ യുവാവ് കുട്ടിയെ കഴുത്ത് ഞെരിച്ചു കൊന്നു, മൃതദേഹവുമായി 'കറങ്ങിയ' പ്രതിയ്ക്ക് പിടിവീണത് ഇങ്ങനെ

arrest

ഗാസിയാബാദ്: കരച്ചിൽ നിർത്താത്തതിനെ തുടർന്ന് പ്രകോപിതനായ പിതാവ് നാലുവയസുകാരിയെ കഴുത്ത് ഞെരിച്ച് കൊന്നു. ഉത്തർപ്രദേശിലെ ഗാസിയാബാദിലാണ് സംഭവം. കേസിൽ കുട്ടിയുടെ പിതാവായ വാസുദേവ് ഗുപ്തയെ (28) പൊലീസ് അറസ്റ്റ് ചെയ്തു.


സുൽത്താൻപുർ സ്വദേശിയായ വാസുദേവ് ഗുപത ഓട്ടോറിക്ഷ ഡ്രൈവറാണ്. വർഷങ്ങളായി ഖോദ കോളനിയിൽ കുടുംബത്തോടൊപ്പം വാടക വീട്ടിൽ താമസിക്കുകയായിരുന്നു ഇയാൾ. ഭാര്യ നോയിഡയിലെ ഒരു സ്പായിലാണ് ജോലി ചെയ്യുന്നത്.ഇരുപത് ദിവസങ്ങൾക്ക് മുമ്പ് ഭാര്യ ഇയാളോട് പിണങ്ങി മൂന്ന് വയസുള്ള മകനെയും കൂട്ടി വീട്ടിൽ നിന്നിറങ്ങി പോയിരുന്നു. ഇതോടെ വാസുദേവ് ഗുപ്ത മാനസികമായി തളർന്നു. മകൾ കരഞ്ഞപ്പോൾ കരച്ചിൽ തടയാൻ ശ്രമിച്ചെങ്കിലും നടന്നില്ല. തുടർന്ന് കഴുത്ത് ഞെരിച്ച് കൊലപ്പെടുത്തുകയായിരുന്നു. മകളുടെ മൃതദേഹവുമായി നോയിഡയിലുള്ള ഭാര്യയെ തേടി ഓട്ടോറിക്ഷയിൽ കറങ്ങികൊണ്ടിരിക്കെയാണ് വാസുദേവ് ഗുപ്ത അറസ്റ്റിലായത്.

വാസുദേവ് ഗുപ്തയുടെ ഇളയ സഹോദരനായ രവി ഗുപ്തയാണ് കൊലപാതക വിവരം പൊലീസിനെ അറിയിച്ചത്.രവി ഗുപത സഹോദരന്റെ വീട്ടിലെത്തിയപ്പോൾ അവിടെ ആരും ഉണ്ടായിരുന്നില്ല. വാതിൽ തുറന്നിട്ട നിലയിലുമായിരുന്നു. തുടർന്ന് ഫോണിൽ ബന്ധപ്പെട്ടപ്പോഴാണ് താൻ മകളെ കൊലപ്പെടുത്തിയ വിവരവും, നോയിഡയിലാണെന്നും ഗുപ്ത അറിയിക്കുന്നത്. ഉടൻ രവി പൊലീസിൽ വിവരമറിയിക്കുകയായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, MURDER CASE, FATHER, DAUGHTER, POLICE, ARREST
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.