SignIn
Kerala Kaumudi Online
Monday, 25 January 2021 11.43 PM IST

പഞ്ചാബിൽ കൊവിഡ് ചട്ടങ്ങൾ കർശനമാക്കി; ഡിസംബർ ഒന്ന് മുതൽ രാത്രികാല കർഫ്യു

curfew-in-punjab

ന്യൂഡൽഹി: കൊവിഡ് നിയന്ത്രണങ്ങൾ പാലിക്കാതിരുന്നാലോ പൊതു ഇടങ്ങളിൽ മാസ്‌ക് ധരിക്കാതിരുന്നാലോ ചുമത്തുന്ന പിഴ തുക ഇരട്ടിയാക്കി പഞ്ചാബ്. മതിയായ സാമൂഹിക അകലം പാലിക്കാൻ ജനങ്ങൾ തയ്യാറാകാത്തതിനെ തുടർന്നാണിത്. ഡിസംബർ ഒന്ന് മുതൽ രാത്രികാല കർഫ്യു ഏർപ്പെടുത്താനും തീരുമാനിച്ചതായി മുഖ്യമന്ത്രി ക്യാപ്‌ടൻ അമരീന്ദർ സിംഗ് അറിയിച്ചു. രാത്രി 10 മുതൽ രാവിലെ 5 വരെ എല്ലാം നഗരങ്ങളിലും ഗ്രാമങ്ങളിലും കർഫ്യു ബാധകമാകും.

ഡൽഹിയിലും തലസ്ഥാന മേഖലയിലും കൊവിഡ് രോഗനിരക്ക് കുതിച്ചുയരുന്നതിനെ തുടർന്നാണ് പഞ്ചാബിന്റെ ഈ നീക്കം. ഇവിടങ്ങളിൽ രണ്ടാംഘട്ട വ്യാപനം ആരംഭിച്ചിരിക്കുകയാണ്.കൊവിഡ് നിയന്ത്രണങ്ങൾ ലംഘിച്ചാൽ 1000 രൂപയാകും.ഹോട്ടലുകളും റസ്‌റ്റോറന്റുകളും വിവാഹമണ്ഡപങ്ങളും രാത്രി 9.30ന് തന്നെ അടയ്‌ക്കണമെന്ന് സർക്കാർ ആവശ്യപ്പെട്ടു. ഈ നിയന്ത്രണങ്ങളുടെ ഫലങ്ങൾ ഡിസംബർ 15ന് പരിശോധിക്കും.

1,47,665 പേർക്ക് രോഗം സ്ഥിരീകരിച്ച പഞ്ചാബിൽ 6834 ആക്‌ടീവ് കേസുകളാണുള‌ളത്. 1,36,000 പേർ രോഗമുക്തി നേടി. 4653 പേർ മരണമടഞ്ഞു. കഴിഞ്ഞ ദിവസം മാത്രം 614 പേർ രോഗബാധിതരാകുകയും 22 പേർ മരണമടയുകയും ചെയ്‌തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.