തുളസീദാസിന്റെയും വാല്മീകിയുടെയും ആശ്രമങ്ങൾ ഇനി ടൂറിസ്‌റ്റ് കേന്ദ്രങ്ങൾ, പദ്ധതിയുമായി യു പി സർക്കാർ

ലഖ്നൗ : ചിത്രകൂട് ജില്ലയിൽ കവി തുളസീദാസ്, ഋഷിവര്യനായ വാല്മീകി എന്നിവരുമായി ബന്ധപ്പെട്ട രാജാപൂർ, ലാലാപൂർ എന്നിവിടങ്ങളെ ടൂറിസം കേന്ദ്രമായി വളർത്താനൊരുങ്ങി ഉത്തർപ്രദേശ് സർക്കാർ. ചിത്രകൂടിലെ തെഹ്‌സിലിലാണ് രാജാപൂർ പട്ടണം സ്ഥിതി ചെയ്യുന്നത്. രാമചരിതമാനസം എഴുതിയ തുളസീദാസുമായി ബന്ധപ്പെട്ട സ്ഥലമാണിത്. രാമായണത്തിന്റെ രചയിതാവായ വാല്മീകിയുമായി ബന്ധപ്പെട്ട ലാലാപൂർ ,ചിത്രകൂട് - പ്രയാഗ്‌രാജ് ഹൈവേയ്ക്ക് സമീപമാണ് സ്ഥിതി ചെയ്യുന്നത്.

രാജാപൂരിനേയും ലാലാപൂരിനേയും ബന്ധിപ്പിക്കുന്ന റോഡ് നിർമിക്കാൻ യു. പി മുഖ്യമന്ത്രി ആദിത്യനാഥ് യോഗി ആദിത്യനാഥ് ഉദ്യോഗസ്ഥർക്ക് നിർദ്ദേശം നൽകിയിരുന്നു. ലാലാപൂരിലെ വാല്മീകി ആശ്രമവും പരിസരവും ടൂറിസ്റ്റ് കേന്ദ്രമാക്കി മാറ്റാനും നിർദ്ദേശമുണ്ട്.

480 പടികൾ കയറിയാണ് മല മുകളിലുള്ള വാല്മീകി ആശ്രമത്തിലെത്തുന്നത്. ഇവിടെ റോപ്‌വേ, റോഡ് തുടങ്ങിയ വികസന പദ്ധതികളാണ് തയാറാക്കുന്നത്. ഋഷിമാർ, വിശുദ്ധർ തുടങ്ങിയവരുമായി ബന്ധപ്പെട്ട പ്രദേശങ്ങളും ക്ഷേത്രങ്ങളും നവീകരിക്കാൻ യു.പി സർക്കാരിന് പദ്ധതിയുണ്ട്.