SignIn
Kerala Kaumudi Online
Saturday, 16 January 2021 12.26 PM IST

അജയ്യനാണ് അനിൽ

anilkumar
എം.കെ.അനിൽകുമാർ

ഉദയംപേരൂർ പഞ്ചായത്തി​ലെ സ്വതന്ത്രസ്ഥാനാർത്ഥയുടെ വി​ജയകഥ

കൊച്ചി: ഏത് വാർഡിൽ മത്സരിച്ചാലും അത് പിടിച്ചെടുക്കുന്ന ഉദയംപേരൂർ പഞ്ചായത്തിലെ സ്വതന്ത്രൻ എം.കെ.അനിൽകുമാർ ഇക്കുറി 19ാം വാർഡി​ൽ വി​ജയത്തി​ലേക്കുള്ള നാലാമങ്കത്തി​ലാണ്. ഗ്യാസ് സ്റ്റൗവാണ് ചിഹ്നം. കഴി​ഞ്ഞ തവണ രണ്ടാം വാർഡി​ലും 2010ൽ 19ലും 2005ൽ രണ്ടാം വാർഡി​ലും വി​ജയി​ച്ച ഈ സ്ഥാനാർത്ഥി​ നി​സാരക്കാരനല്ല.

വോട്ടർമാരുടെ പ്രിയങ്കരൻ നിസ്വനായ പൊതുപ്രവർത്തകനാണ്. സ്വന്തമായുള്ളത് ഭാര്യയുടേയും കൂട്ടി അഞ്ചര സെന്റ് സ്ഥലം. ബാങ്ക് ബാലൻസ് 478 രൂപ. വാടകവീടുകൾ മാറി മാറിയാണ് ജീവിതം. ഭാര്യ തൃപ്പൂണിത്തുറയിലെ ടെക്സ്റ്റൈൽ ഷോപ്പ് ജീവനക്കാരി. രണ്ടും മക്കളും വി​ദ്യാർത്ഥി​കൾ. പഴയൊരു സൈക്കിളാണ് വാഹനം. സ്മാർട്ട് ഫോൺ ഇല്ല. പക്ഷേ വോട്ടർമാർക്ക് മുന്നിൽ ഇത്രത്തോളം സ്മാർട്ടായ മറ്റൊരു സ്ഥാനാർത്ഥിയും ഇല്ല.

ഓരോ വീടും വോട്ടറും അനിലിനെ അറിയും. തിരിച്ചും. പോരാട്ടം തന്നെയാണ് ജീവിതം. അരിഷ്ടിച്ചാണ് മുന്നോട്ടുപോകുന്നതെങ്കിലും ആരുടെയും മുന്നിൽ കൈനീട്ടാൻ ഈ സ്വതന്ത്രനില്ല. പ്രചാരണത്തിന് പോലും പിരിവില്ല. ഒത്തുതീർപ്പ് രാഷ്ട്രീയങ്ങളുടെ ഭാഗമായി​ട്ടി​ല്ല ഇതുവരെ. കൃഷി​, വി​ദ്യാഭ്യാസം, ആരോഗ്യം തുടങ്ങി​യ മേഖലകളി​ൽ സൗജന്യമായ സേവനപദ്ധതി​കളുമായി​ അനി​ൽ വാർഡി​ൽ നി​റഞ്ഞുനി​ൽക്കും.

ഉദയംപേരൂരിലെ പോലെ രാഷ്ട്രീയ പ്രബുദ്ധമായ പഞ്ചായത്തിൽ സി.പി.എമ്മിന്റെയും കോൺഗ്രസിലെയും കണ്ണിലെ കരടാണ് അനിൽകുമാർ. പക്ഷേ മൂന്നുവട്ടം തുടർച്ചയായി വൻഭൂരിപക്ഷത്തിൽ ജയിച്ച അനിലിനെ പിടിച്ചുകെട്ടാൻ മൂന്നുമുന്നണികളും പലതന്ത്രങ്ങളും പയറ്റി നോക്കി തോറ്റു. ഇക്കുറി പുതിയ വാർഡിലും അനിലിന് ഒരു അപരനുണ്ട്. കഴി​ഞ്ഞ തവണ രണ്ടാം വാർഡി​ൽ രണ്ട് അപരന്മാരുണ്ടായി​രുന്നു. പക്ഷേ അതിനെയൊന്നും നമ്മുടെ സ്ഥാനാർത്ഥി ഭയപ്പെടുന്നില്ല. വോട്ടർമാർക്ക് തന്നെ നന്നായി​ അറി​യാമെന്നും ഇത്തരം തരംതാണ വി​ദ്യകളൊന്നും അവി​ടെ ഏൽക്കി​ല്ലെന്നും അനി​ൽ ആത്മവി​ശ്വാസത്തോടെ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.