525 പേർക്ക് കൂടി കൊവിഡ്, 826 പേർ രോഗമുക്തർ

തൃശൂർ: ജില്ലയിൽ 525 പേർക്ക് കൂടി കൊവിഡ് സ്ഥീരികരിച്ചു. 826 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 6292 ആണ്. തൃശൂർ സ്വദേശികളായ 98 പേർ മറ്റു ജില്ലകളിൽ ചികിത്സയിലുണ്ട്. ജില്ലയിൽ ഇതുവരെ കൊവിഡ് സ്ഥീരികരിച്ചവരുടെ എണ്ണം 57,660 ആണ്. 50,939 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ് ചെയ്തത്.
ജില്ലയിൽ വെള്ളിയാഴ്ച സമ്പർക്കം വഴി 507 പേർക്കാണ് രോഗം സ്ഥീരികരിച്ചത്. 4 ആരോഗ്യ പ്രവർത്തകർക്കും, സംസ്ഥാനത്തിന് പുറത്തുനിന്ന് എത്തിയ ഏഴ് പേർക്കും, രോഗ ഉറവിടം അറിയാത്ത 7 പേർക്കും രോഗബാധ ഉണ്ടായിട്ടുണ്ട്. രോഗ ബാധിതരിൽ 60 വയസിനുമുകളിൽ 36 പുരുഷൻമാരും 34 സ്ത്രീകളും പത്ത് വയസിനു താഴെ 17 ആൺകുട്ടികളും 12 പെൺകുട്ടികളുമുണ്ട്.