കൊച്ചിയിൽ കെ എസ് ആർ ടി സി ബസ് മരത്തിലിടിച്ച് ഡ്രൈവർ മരിച്ചു, നിരവധി പേർക്ക് പരിക്ക്

കൊച്ചി: കെഎസ്ആർടിസി ബസ് മരത്തിലിടിച്ച് ഡ്രൈവർ മരിച്ചു.തിരുവനന്തപുരം സ്വദേശി അരുൺ സുകുമാർ ആണ് മരിച്ചത്. കൊച്ചി പാലാരിവട്ടം ചക്കരപ്പറമ്പിൽ ഇന്ന് പുലർച്ചെ 4.30 ഓടെയായിരുന്നു അപകടം.ഇരുപത്തഞ്ചോളം പേർക്ക് പരിക്കേറ്റു. ഇവരെ സ്വകാര്യ ആശുപത്രിയിലേക്ക് മാറ്റി.രണ്ട് പേരുടെ നില ഗുരുതരമാണ്

തിരുവനന്തപുരത്ത് നിന്ന് കോഴിക്കോട്ടേക്ക് പോകുകയായിരുന്ന സൂപ്പർ ഡീലക്‌സ് ബസാണ് അപകടത്തിൽപ്പെട്ടത്. അപകടത്തിൽ ബസിന്റെ മുൻഭാഗം പൂർണമായും തകർന്നു.ഡ്രൈവർ ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം.