കരിപ്പൂരിൽ 1.15 കോടിയുടെ സ്വർണ്ണം പിടികൂടി

കൊണ്ടോട്ടി: കരിപ്പൂർ വിമാനത്താവളത്തിൽ യാത്രക്കാരനിൽ നിന്നും വിമാനത്തിന്റെ ടോയ്‌ലെറ്റിൽ നിന്നുമായി 1.15 കോടിയുടെ 2,​311.30 ഗ്രാം സ്വർണ്ണം കസ്റ്റംസ് ഇന്റലിജിൻസ് പിടികൂടി. ദുബായിൽ നിന്നു സ്‌പൈസ് ജെറ്റ് വിമാനത്തിൽ കരിപ്പൂരിലെത്തിയ മലപ്പുറം സ്വദേശി സലാം (54) എന്ന യാത്രക്കാരനിൽ നിന്ന് 1,​568.2 ഗ്രാം സ്വർണ്ണ മിശ്രിതമാണ് കണ്ടെത്തിയത്. ഹാൻഡ് ബേഗേജിൽ ഒളിപ്പിച്ചു കടത്താൻ ശ്രമിക്കുന്നതിനിടയിലാണ് കളളക്കടത്ത് കണ്ടെത്തിയത്. ഈ വിമാനത്തിന്റെ ടോയ്‌ലെറ്റിൽ ഒളിപ്പിച്ചുവെച്ച നിലയിൽ 1,​262.20 ഗ്രാം സ്വർണ്ണ മിശ്രിതവും പിടികൂടി.