SignIn
Kerala Kaumudi Online
Sunday, 17 January 2021 3.57 PM IST

മുസ്ളീമാകാനും ഉറുദുവും അറബി​യും പഠി​ക്കാനും ഭർതൃവീട്ടുകാർ നിർബന്ധിക്കുന്നു; യുവതിയുടെ പരാതിയിൽ ഭർത്താവ് അറസ്റ്റിൽ, വീട്ട‌ുകാർക്കെതിരെയും കേസ്

muslim-man

ഭോപ്പാൽ:മുസ്ളീം മതത്തിലേക്ക് മാറണമെന്നാവശ്യപ്പെട്ട് ഭർത്താവ് നിന്തരം പീഡിപ്പിക്കുന്നു എന്ന യുവതിയുടെ പരാതിയെത്തുടർന്ന് മദ്ധ്യപ്രദേശിൽ യുവാവിനെ പൊലീസ് അറസ്റ്റുചെയ്തു. ഇർഷാദ് ഖാൻ എന്നയാളാണ് അറസ്റ്റിലായത്. മുസ്ളീം മതത്തിലേക്ക് മാറാനും ഉറുദു, അറബി ഭാഷകൾ പഠിക്കാനും ഭർത്താവും വീട്ടുകാരും നിർബന്ധിക്കുന്നു എന്നായിരുന്നു യുവതിയുടെ പരാതി.

ഹിന്ദു കുടുംബത്തിലാണ് യുവതി ജനിച്ചത്. പ്രണയത്തിനൊടുവിൽ വീട്ടിൽ നിന്ന് ഒളിച്ചോടിയ യുവതി 2018 ലാണ് ഇർഷാദിനെ വിവാഹം കഴിച്ചത്. ഇസ്ളാമിക ആചാരങ്ങൾ അനുസരിച്ചായിരുന്നു വിവാഹം. ആദ്യമൊന്നും കുഴപ്പമില്ലാതെ പോയെങ്കിലും അല്പം കഴിഞ്ഞതോടെ പ്രശ്നങ്ങൾ തുട‌ങ്ങി. ഇസ്ളാമിക രീതികൾ പിന്തുടരണമെന്നായിരുന്നു ഭർത്താവിന്റെയും വീട്ടുകാരുടെയും ആവശ്യം. ഇതിനെ എതിർത്തതോടെയാണ് പീഡിപ്പിക്കാൻ തുടങ്ങിയത്. കൊടിയ പീഡനം സഹിക്കവയ്യാതെ കഴിഞ്ഞദിവസം യുവതി സ്വന്തംവീട്ടിലേക്ക് പോയി. തുടർന്ന് മാതാപിതാക്കൾക്കൊപ്പം എത്തിയാണ് പരാതി നൽകിയത്. ഇതിനിടെ ഭാര്യയെ മതാപിതാക്കൾ ബലംപ്രയോഗിച്ച് തടഞ്ഞുവച്ചിരിക്കുകയാണെന്ന് ആരോപിച്ച് ഇർഷാദും പൊലീസിൽ പരാതി നൽകി. അത്തരത്തിലൊരു സംഭവമില്ലെന്ന് യുവതി അറിയിച്ചതോടെയാണ് ഇർഷാദിനെ അറസ്റ്റുചെയ്തത്. എം പി ധർമ്മ സ്വതന്ത്രത ആക്ട് 1968 പ്രകാരമാണ് ഇർഷാദിനെതിരെ കേസെടുത്തതെന്നാണ് പൊലീസ് പറയുന്നത്. ഇയാളുടെ വീട്ടുകാർക്കെതിരെയും കേസെടുത്തിട്ടുണ്ട്.

ഉത്തർപ്രദേശിന് പിന്നാലെ ബി ജെ പി ഭരിക്കുന്ന മദ്ധ്യപ്രദേശും ലൗ ജിഹാദിനെതിരെയുളള നിയമം പാസാക്കാനുളള നടപടികളുമായി മുന്നോട്ടുപോവുകയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, MUSLIM MAN ARRESTED UNDER RELIGIOUS FREEDOM LAW IN MADHYA PRADESH
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.