SignIn
Kerala Kaumudi Online
Monday, 25 January 2021 11.56 PM IST

മോഷണത്തിന് ആകെ ചെലവ് ഒരുരൂപയ്ക്കും താഴെ, കിട്ടുന്നത് കൈനിറയെ; പൂട്ടുതുറക്കാതെ നേർച്ചപ്പെട്ടി​യി​ൽ നി​ന്ന് പണം കവരുന്ന സ്പെഷ്യൽ വി​ദ്യകണ്ട് കണ്ണുതളളി​ പൊലീസ്

arrest

കോട്ടയം: ഈർക്കിലിയിൽ ചുയിംഗ് ഗം വച്ച് നേർച്ചപ്പെട്ടികളിൽ നിന്ന് പണം അപഹരിച്ചു വന്ന മല്ലികശേരി ജോസഫ് (46) അറസ്റ്റിൽ. തീക്കോയി പള്ളിയിലെ നേർച്ചപ്പെട്ടിയിലെ പണം അപഹരിച്ചതിനെ തുടർന്ന് ഈരാറ്റുപേട്ട പൊലീസ് ഒരുക്കിയ കെണിയിലാണ് ഇന്ന് പുലർച്ചെ ഇയാൾ അകപ്പെട്ടത്. പള്ളിയിൽനിന്ന് അപഹരിച്ച പണം പൊലീസ് കണ്ടെടുത്തിട്ടുണ്ട്. പ്രതിയെ ഇന്ന് കോടതിയിൽ ഹാജരാക്കും.

വിളക്കുമാടം സ്വദേശിയായ കക്കാണിയിൽ ജോഷി എന്നറിയപ്പെടുന്ന മല്ലികശേരി ജോസഫ് പള്ളികളിൽ നിന്നും അമ്പലങ്ങളിൽ നിന്നും ഇത്തരത്തിൽ മോഷണം നടത്തുന്നത് പതിവാണ്. വിളക്കുമാടം പള്ളിയിൽ കയറി നേർച്ചപ്പെട്ടിയിൽ നിന്ന് കമ്പിൽ ചുയിംഗ് ഗം വച്ച് നോട്ടുകൾ വലിച്ചെടുക്കുന്നത് പള്ളിയിൽ സ്ഥാപിച്ചിരുന്ന സി.സി ടിവിയിൽ പതിഞ്ഞിരുന്നു. ഇതേത്തുടർന്ന് വികാരി ഈരാറ്റുപേട്ട പൊലീസിൽ പരാതിപ്പെട്ടിരുന്നു. തുടർന്നാണ് പാലാ ഡിവൈ.എസ്.പി സാജു വർഗീസ് ഇയാളെ കുടുക്കാൻ പ്രത്യേക പൊലീസുകാരെ നിയോഗിച്ചിരുന്നു.

വീണ്ടും പണം എടുക്കാൻ വരുമെന്ന പ്രതീക്ഷയിൽ പള്ളിയിൽ മഫ്റ്റിയിലെത്തി പൊലീസ് കാവൽ ഇരുന്നാണ് ഇയാളെ കുടുക്കിയത്. പണം എടുക്കുന്നതിനിടയിൽ തന്നെ ഇയാളെ കൈയോടെ പൊക്കി. പത്തുവർഷം മുമ്പ് തിടനാട്ടിൽ നടന്ന ഒരു കൊലപാതക കേസിലെ പ്രതിയാണ് ഇയാളെന്ന് പൊലീസ് വ്യക്തമാക്കി. അടുത്തയിടെ 15ലധികം പള്ളികളിൽ നിന്നും മൂന്ന് അന്പലങ്ങളിൽ നിന്നും ഇയാൾ ഇത്തരത്തിൽ പണം അപഹരിച്ചിട്ടുണ്ടെന്ന് പ്രതി സമ്മതിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, A PERSON ARRESTED FOR USING CHEWING GUM TO STEAL MONEY
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.