കൊവിഡ് 404; രോഗമുക്തി 467

തിരുവനന്തപുരം: ജില്ലയിൽ ഇന്നലെ 404 പേർക്ക് കൂടി കൊവിഡ് സ്ഥിരീകരിച്ചു. 467 പേർ രോഗമുക്തരായി. ഇന്നലെ രോഗം സ്ഥിരീകരിച്ചവരിൽ 241 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ നാല് പേർ ആരോഗ്യപ്രവർത്തകരാണ്. നാല് പേരുടെ മരണം കൊവിഡ് മൂലമാണെന്ന് സ്ഥിരീകരിച്ചിട്ടുണ്ട്. ഊക്കോട് സ്വദേശി ശാലിനി റാണി (50), കൊഞ്ചിറ സ്വദേശി സുബൈദ ബീവി (75), പുല്ലമ്പാറ സ്വദേശി ബേബി (67), കളത്തറ സ്വദേശി പൊന്നമ്മ (70) എന്നിവരുടെ മരണമാണ് സ്ഥിരീകരിച്ചത്. നിലവിൽ 4,113 പേരാണ് ജില്ലയിൽ രോഗം സ്ഥിരീകരിച്ച് ചികിത്സയിൽ കഴിയുന്നത്. രോഗലക്ഷണങ്ങളെത്തുടർന്ന് ഇന്നലെ 2,174 പേരെക്കൂടി നിരീക്ഷണത്തിലാക്കി. ഇവരടക്കം ആകെ 30,578 പേർ വീടുകളിലും 116 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്.1,870 പേർ നിരീക്ഷണകാലം പൂർത്തിയാക്കി.