SignIn
Kerala Kaumudi Online
Friday, 22 January 2021 9.29 AM IST

ജറാഡ് കുഷ്നർ സൗദിയിൽ

jarad

റിയാദ്​: അമേരിക്കയിൽ ഡൊണാൾഡ് ട്രംപ് ഭരണകൂടം സ്ഥാനമൊഴിയാനിരിക്കെ ഗൾഫിൽ അവസാനവട്ട ഇടപെടലിനായി ട്രംപിൻെറ ഉപദേശകനും മകൾ ഇവാൻകയുടെ ഭർത്താവുമായ ജറാഡ് കുഷ്​നർ സൗദി അറേബ്യയിലെത്തി. ഖത്തറടക്കമുള്ള ഭരണനേതൃത്വങ്ങളുമായി കുഷ്​നറും സംഘവും സംഭാഷണം നടത്തും. ഭീകരതയെ ഖത്തർ പിന്തുണക്കുന്നു എന്നാരോപിച്ച് 2017 ൽ സൗദി അറേബ്യ, ബഹ്​റൈൻ, ഈജിപ്​ത്​, യു.എ.ഇ എന്നീ രാജ്യങ്ങൾ ഖത്തറിനെതിരെ പ്രഖ്യാപിച്ച ഉപരോധം നീങ്ങാനുള്ള സാദ്ധ്യത തെളിയുന്നതായി സൂചനയുണ്ട്​.

ഇറാനുമായുള്ള നയതന്ത്ര ബന്ധങ്ങൾ ഉപേക്ഷിക്കാനും തുർക്കി സൈനിക താവളത്തിൻെറ പ്രവർത്തനം അവസാനിപ്പിക്കാനും ഖത്തറിനോട്​ ആവശ്യപ്പെടുകയും ചെയ്​തിരുന്നു. എന്നാൽ, ആരോപണങ്ങൾ നിഷേധിച്ച ഖത്തർ ആവശ്യങ്ങൾ അംഗീകരിച്ചില്ല. പുതിയ സാഹചര്യത്തിൽ, മേഖലയിൽ ഇറാനെതിരായ സഖ്യം

ശക്​തിപ്പെടുത്താൻ അമേരിക്ക ആഗ്രഹിക്കുന്നുണ്ട്​. മേഖലയിൽ ഇസ്രയേലിന്​ പിന്തുണ ഉറപ്പുവരുത്താനും അമേരിക്ക ശ്രമിക്കുന്നുണ്ട്​.

ഇത് കൂടാതെ, ഗൾഫ്​ രാജ്യങ്ങളും ഇസ്രയേലും തമ്മിൽ ധാരണയുണ്ടാക്കാൻ അമേരിക്ക ശ്രമം ശക്തിപ്പെടുത്തിയിട്ടുണ്ട്​. പ്രസിഡന്റ് തെരഞ്ഞെടുപ്പിന്​ ശേഷം, യു.എസ്​. സ്​റ്റേറ്റ്​ സെക്രട്ടറി മൈക്ക് പോംപിയോയുടെ ഗൾഫ്​ സന്ദർശനത്തിനിടെ ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവും സൗദി കിരീടാവകാശി മുഹമ്മദ്​ ബിൻ സൽമാനും സൗദിയിൽ ചർച്ച നടത്തിയതായി റിപ്പോർട്ടുകൾ വന്നിരുന്നു.

സൗദി കിരീടാവകാശി മുഹമ്മദ്​ ബിൻ സൽമാനടക്കമുള്ള ഗൾഫ്​ നേതാക്കളോട്​ കുഷ്​നർ, അടുത്ത ബന്ധം വളർത്തിയെടുത്തിട്ടുണ്ട്​. റിയൽ എസ്​റ്റേറ്റ്​ വ്യവസായിയായ കുഷ്​നറിൻെറ വാണിജ്യതാൽപര്യങ്ങളും സന്ദർശനത്തിന്​ പിറകിലുണ്ടെന്നാണ്​ നിരീക്ഷകർ കരുതുന്നത്​.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, JARAD
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.