SignIn
Kerala Kaumudi Online
Wednesday, 20 January 2021 8.56 PM IST

ഇനി മുതൽ സർക്കാർ ജോലി ലഭിക്കണമെങ്കിൽ പുകയില ഉപയോഗം പാടില്ല, പുതിയ നിയമം കൊണ്ടുവരാനൊരുങ്ങി സർക്കാർ

pic

റാഞ്ചി: സർക്കാർ ജോലി നേടാൻ കഷ്ടപ്പെട്ട് പഠിച്ചാൽ മാത്രം പോരാ പുകയില തുടങ്ങിയ ലഹരി വസ്‌തുക്കൾ ഉപയോഗിക്കാനും പാടില്ല.ഇത്തരത്തിൽ ഒരു നിയമം വന്നാൽ എന്താകും നാട്ടിലെ അവസ്ഥ എന്ന് ചിന്തിച്ചിട്ടുണ്ടോ? എന്നാൽ അത്തരത്തിൽ ഒരു നിയമം സംസ്ഥാനത്ത് കൊണ്ടുവരാനൊരുങ്ങുകയാണ് ഝാർഖണ്ഡ് സർക്കാർ.

പുതിയ നിയമപ്രകാരം ഝാർഖണ്ഡിൽ സർക്കാർ ജോലിക്കായി അപേക്ഷിക്കുന്നവർ ലഹരി വസ്‌തുക്കൾ ഉപയോഗിക്കുന്നില്ലെന്ന് സത്യവാങ്മൂലം എഴുതി നൽകണം. നിലവിലുള്ള സർക്കാർ ജീവനക്കാർ അവരുടെ ഓഫീസുകളിൽ ആരും പുകയില വസ്‌തുക്കൾ ഉപയോഗിക്കുന്നില്ലെന്ന് ഉറപ്പു നൽകി സത്യവാങ്മൂലം നൽകണം. ചീഫ് സെക്രട്ടറി സുഖ്ദിയോ സിംഗിന്റെ നേതൃത്വത്തിൽ ചേർന്ന പുകയില നിയന്ത്രണ യോഗത്തിലാണ് ഇത് സംബന്ധിച്ച തീരുമാനമായത്.

പുതിയ നിയമം 2021 ഏപ്രിൽ ഒന്ന് മുതൽ പ്രാബല്യത്തിൽ വരുമെന്നും അതിന് മുമ്പായി ജീവനക്കാർ സത്യവാങ്മൂലം നൽകണമെന്നും ഝാർഖണ്ഡ് ആരോഗ്യ, വിദ്യാഭ്യാസ, കുടുംബക്ഷേമ വകുപ്പ് പുറത്തിറക്കിയ പ്രസ്‌താവനയിൽ പറയുന്നു. വിദ്യാഭ്യാസ സ്ഥാപനങ്ങളുടെ പരിധിയിൽ പത്ത് മീറ്റർ ചുറ്റളവിൽ പുകയില വിൽപ്പന നടത്തുന്നവർക്കെതിരെ കർശന നടപടി സ്വീകരിക്കുമെന്നും അധികൃതർ മുന്നറിയിപ്പ് നൽകി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, KERALA, CIGRATTE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.