കാസർകോട്ട് 146 പേർക്ക് കൊവിഡ്

കാസർകോട്: ജില്ലയിൽ 146 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 140 പേർക്കും ഇതരസംസ്ഥാനത്ത് നിന്നെത്തിയ മൂന്നു പേർക്കും വിദേശത്ത് നിന്നെത്തിയ മൂന്നു പേർക്കുമാണ് കൊവിഡ് സ്ഥിരീകരിച്ചത്. 70 പേർക്ക് കൊവിഡ് നെഗറ്റീവായി.

22,327 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 20,895 പേർരോഗമുക്തരായി. നിലവിൽ 1195 പേരാണ് ചികിത്സയിലുള്ളത്. ഇതിൽ 824 പേർ വീടുകളിലാണ്. വീടുകളിൽ 7617 പേരും സ്ഥാപനങ്ങളിൽ 410 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 8027 പേരാണ്. പുതിയതായി 715 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1435 സാമ്പിളുകൾ കൂടി പരിശോധനയ്ക്ക് അയച്ചു. 283 പേരുടെ പരിശോധനാ ഫലം ലഭിക്കാനുണ്ട്.