SignIn
Kerala Kaumudi Online
Friday, 05 March 2021 10.06 AM IST

ഒ. മാധവന്റെ വിപ്ളവ സ്മരണയിൽ അനന്തരവൻ ജനവിധി തേടുന്നു

udayan
അഡ്വ. ഡി. ഉദയൻ

അടൂർ : നാടകാചാര്യനും കമ്മ്യൂണിസ്റ്റ് പോരാളിയുമായിരുന്ന ഒ. മാധവന്റെയും പള്ളിക്കൽ പഞ്ചായത്തിലെ കമ്മ്യൂണിസ്റ്റ് പ്രസ്ഥാനത്തിന്റെ അമരക്കാരിൽ ഒരാളുമായ എൻ. ദാമോദരന്റേയും വിപ്ളവപാരമ്പര്യം ഉയർത്തിപ്പിടിക്കാൻ പിൻമുറക്കാരനായി അഡ്വ.ഡി. ഉദയൻ ആദ്യമായി മത്സരരംഗത്ത്. ദീർഘകാലമായി സി. പി. എമ്മിനെ നയിക്കുന്ന ഇൗ അൻപത്തിയഞ്ചുകാരൻ പള്ളിക്കൽ പഞ്ചായത്തിലെ മലമേക്കര 12-ാം വാർഡിലാണ് മത്സരിക്കുന്നത്. ഒ. മാധവൻ ജനിച്ചുവളർന്ന ചുനക്കര തറയിലെ വീട്ടിലാണ് അനന്തരവൻ ഉദയന്റെയും ജനനം. ഒ. മാധവന്റെ നാലാമത്തെ സഹോദരി കെ. കാർത്തികയാണ് മാതാവ്. പിതാവ് എൻ. ദാമോദരൻ സർക്കാർ ഉദ്യോഗസ്ഥനായിരുന്നെങ്കിലും തികഞ്ഞ കമ്മ്യൂണിസ്റ്റ് ആയിരുന്നു. കമ്മ്യൂണിസ്റ്റ് കുടുംബത്തിന്റെ എല്ലാ ഉൗർജ്ജവും ഉൾക്കൊണ്ട് ആ പാത പിന്തുടർന്നതോടെ കൊല്ലം എസ്. എൻ കോളേജിൽ എസ്.എഫ് ഐ പ്രവർത്തകനായിരിക്കെ സമര മുഖത്ത് പൊലീസിന്റെയും ഗുണ്ടകളുടെയും ക്രൂരമായ മർദ്ദനം ഉദയന് ഏറ്റുവാങ്ങേണ്ടിവന്നിട്ടുണ്ട്. പന്തളം എൻ.എസ്.എസ് കോളേജിലും സജീവ പ്രവർത്തകനായിരുന്നു. പൂനൈ യൂണിവേഴ്സിറ്റിയിൽ നിന്ന് നിയമ പഠനം കഴിഞ്ഞ് അടൂരിൽ അഭിഭാഷകനായും പൊതുപ്രവർത്തനരംഗത്തും സജീവമാണ്. അടൂർ ഒ.ബി.സി കാർഷിക സഹകരണ സംഘം പ്രസിഡന്റ് , ഗ്രന്ഥശാലാ പ്രവർത്തകൻ, പെരിങ്ങനാട് തെക്ക് സി. പി. എം ലോക്കൽ കമ്മിറ്റി സെക്രട്ടറി എന്നീ നിലകളിൽ പ്രവർത്തിക്കുന്നു. ഏഴ് വർഷം പള്ളിക്കൽ ഗ്രാമപഞ്ചായത്ത് പ്രസിഡന്റായായിരുന്ന പിതാവ് എൻ. ദാമോദരൻ വിജയിച്ച വാർഡിലാണ് ഉദയനും ജനവിധി തേടുന്നത്. കോൺഗ്രസിലെ സദാശിവ കുറുപ്പാണ് പ്രധാന എതിരാളി. സുകുമാരകുറുപ്പ് എൻ.ഡി. എയേയും പ്രതിനിധീകരിക്കുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.