കൊവിഡ് 279, രോഗമുക്തി 451

തിരുവനന്തപുരം:ജില്ലയിൽ ഇന്നലെ 279 പേർക്ക് കൂടി കൊവിഡ് സ്ഥിരീകരിച്ചു.451 പേർ രോഗമുക്തി നേടി. രോഗം സ്ഥിരീകരിച്ചവരിൽ 174 പേർക്ക് സമ്പർക്കത്തിലൂടെയാണ് രോഗബാധയുണ്ടായത്.ഇതിൽ എട്ടുപേർ ആരോഗ്യപ്രവർത്തകരാണ്.ജില്ലയിൽ ഒരാളുടെ മരണം കൊവിഡ് മൂലമാണെന്ന് സ്ഥിരീകരിച്ചു. മണ്ണന്തല സ്വദേശിനി ഷീല ജേക്കബിന്റെ (70) മരണമാണ് കൊവിഡ് മൂലമാണെന്നു സ്ഥിരീകരിച്ചത്. നിലവിൽ 4,034 പേരാണ് ജില്ലയിൽ കൊവിഡ് സ്ഥിരീകരിച്ച് ചികിത്സയിൽ കഴിയുന്നത്. രോഗലക്ഷണങ്ങളെത്തുടർന്ന് ഇന്നലെ ജില്ലയിൽ 2,101 പേരെക്കൂടി നിരീക്ഷണത്തിലാക്കി. ഇവരടക്കം ആകെ 32,031 പേർ വീടുകളിലും 101 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്.1,789 പേർ നിരീക്ഷണകാലയളവ് പൂർത്തിയാക്കി.