SignIn
Kerala Kaumudi Online
Saturday, 06 March 2021 5.29 PM IST

അയൽ വീട്ടിലെ ക്യാമറയിൽ നിങ്ങളുടെ വീടും പതിയുന്നുണ്ടോ ? കോഴിക്കോട്ടുള്ള വിമുക്തഭടന്റെ ജീവിതത്തിൽ സംഭവിച്ചത് പാഠമാക്കണം

cctv

കോഴിക്കോട്: വീട്ടിലെ കിടപ്പുമുറിയിൽ നിന്ന് അലക്ഷ്യമായി വസ്ത്രം മാറിയതായിരുന്നു വിമുക്തഭടൻ പ്രേമചന്ദ്രൻ. അയൽവാസി സ്ഥാപിച്ച സി.സി.ടി.വി കാമറയിൽ പിൻഭാഗം പതിഞ്ഞു. 12കാരൻ മകനു മുന്നിൽ പ്രേമചന്ദ്രൻ നഗ്നത പ്രദർശിപ്പിച്ചെന്നായി അയൽവാസി. പോക്‌സോ കേസായി. അഞ്ചു ദിവസം ജയിലിൽ കിടന്നു. ഇപ്പോൾ അയൽവാസിയിൽ നിന്ന് പത്തുലക്ഷം രൂപ നഷ്ടപരിഹാരം തേടി മനുഷ്യാവകാശ കമ്മിഷനെ സമീപിച്ചിരിക്കുകയാണ് പ്രേമചന്ദ്രൻ.

കോഴിക്കോട് സിവിൽ സ്റ്റേഷൻ പോസ്റ്റ് ഓഫീസ് പരിധിയിലെ തൃക്കൈപറമ്പത്ത് ഹൗസിൽ കെ.എൻ. പ്രേമചന്ദ്രനും അയൽവാസിയും തമ്മിൽ ചില തർക്കങ്ങളുണ്ടായിരുന്നു. രണ്ടര സെന്റിൽ പണിത വീടിന്റെ തൊട്ടടുത്ത് പുതിയ താമസക്കാർ എത്തിയതോടെയാണ് പ്രശ്നങ്ങൾ തുടങ്ങിയത്. കോർപ്പറേഷൻ ഓഫീസിലും മറ്റിടങ്ങളിലുമെല്ലാമെത്തി പരാതികൾ. ഇരു വീടുകളും തമ്മിലുള്ള അകലം ആറടി മാത്രം.

തർക്കം മുറുകിയതോടെ പ്രേമചന്ദ്രന്റെ വീടിന്റെ വരാന്ത, ലിവിംഗ് റൂം, കിടപ്പുമുറി, അലക്ക് കല്ലുള്ള പിൻമുറ്റം, മുകൾനിലയിലെ ബാൽക്കണി എന്നീ ഭാഗങ്ങളും മുറ്റവുമൊക്കെ പതിയുന്ന രീതിയിൽ അയൽവാസി ഏഴു സി.സി.ടി.വി കാമറകൾ സ്ഥാപിച്ചു. പ്രേമചന്ദ്രന്റെ 15 വയസുള്ള മകൾ ഉൾപ്പെടെയുള്ളവർ കാമറക്കണ്ണുകളുടെ തുറിച്ചുനോട്ടത്തിൽ വിഷമത്തിലുമായി.

ഇതിനിടയിലാണ് പോക്‌സോ കേസിന്റെ വരവ്. ഡിസംബർ 26നാണ് പ്രേമചന്ദ്രനെ അറസ്റ്റ് ചെയ്തത്. ക്രിസ്മസ് അവധി കാരണം ജാമ്യപേക്ഷ പോക്‌സോ അഡിഷണൽ സെഷൻസ് കോടതി പരിഗണിച്ചത് ജനുവരി ഒന്നിന്. അന്ന് തന്നെ ജാമ്യം അനുവദിച്ചു.

അയൽവീട്ടിലെ നീക്കങ്ങളറിയാൻ സമീപവാസി സ്ഥാപിച്ചത് ഏഴു ക്യാമറകൾ, സ്വകാര്യതയെ ബാധിക്കുന്നുവെന്ന പരാതിയുമായി വീട്ടമ്മ പൊലീസിൽ

കള്ളക്കേസിൽ കുടുക്കി ജയിലിലാക്കിയതിന് നഷ്ടപരിഹാരം വേണമെന്നാണ് പ്രേമചന്ദ്രന്റെ ആവശ്യം. തങ്ങളുടെ സ്വകാര്യത കൂടി പകർത്തുന്ന സി സി ടി വി കാമറകൾ ഉടൻ നീക്കണമെന്ന് ആവശ്യപ്പെട്ട് സിറ്റി പൊലീസ് കമ്മിഷണർക്കും പരാതി നൽകി.

ഐ.പി.സി 354 (സി) പ്രകാരം മൂന്നു വർഷം വരെ തടവ് ലഭിക്കാവുന്നതും സ്വമേധയാ പൊലീസിന് കേസെടുക്കാവുന്നതുമായ കുറ്റമാണിതെന്ന് പരാതിയിൽ ചൂണ്ടിക്കാണിക്കുന്നു. ഇൻഫർമേഷൻ ടെക്‌നോളജി നിയമം 66 ഇ വകുപ്പ് പ്രകാരം മൂന്നു വർഷം വരെ തടവും രണ്ടു ലക്ഷം രൂപ വരെ പിഴയും ഈടാക്കാം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CCTV, CLT, EX MILITARY, POLICE CASE, POCSO, POSCO CASE, POCSO ACT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.