SignIn
Kerala Kaumudi Online
Saturday, 27 February 2021 1.09 PM IST

പാലക്കാട് ഗാന്ധി പ്രതിമയിൽ ബി ജെ പി കൊടി; പ്രതിഷേധവുമായി കോൺഗ്രസും സി പി എമ്മും

bjp

പാലക്കാട്: പാലക്കാട് ന​ഗരസഭയിലെ ​ഗാന്ധി പ്രതിമയിൽ ബി ജെ പി പാർട്ടികൊടി കെട്ടിയെന്ന് ആരോപണം. ന​ഗരസഭയിൽ സ്ഥിരം കൗൺസിൽ അം​ഗങ്ങളുടെ തിരഞ്ഞെടുപ്പ് നടക്കുകയായിരുന്നു. ഇതിനിടെയാണ് ന​ഗരസഭ വളപ്പിനുളളിലെ ​ഗാന്ധിപ്രതിമയിൽ ബി ജെ പി കൊടി പുതപ്പിച്ചിരിക്കുന്നെന്ന വിവരം പുറത്തു വന്നത്. തുടർന്ന് പൊലീസെത്തി കൊടി അഴിച്ച് മാറ്റുകയായിരുന്നു.

സംഭവത്തിൽ ബി ജെ പിക്കെതിരെ പ്രതിഷേധവുമായി യൂത്ത് കോൺ​ഗ്രസ്,ഡി വൈ എഫ് ഐ പ്രവർത്തകരെത്തി. കോൺ​ഗ്രസ് കൗൺസിലർമാർ‌ സ്ഥലത്തെത്തി പ്രതിഷേധസൂചകമായി മുദ്രാവാക്യം വിളിച്ചു. ബി ജെ പി പ്രവർത്തകർ ആർ എസ് എസ് അജണ്ട നടപ്പാക്കുന്നതിന്റെ ഭാ​ഗമായിട്ടാണ് പ്രതിമയിൽ കൊടി പുതപ്പിച്ചതെന്നാണ് കോൺ​ഗ്രസ് ആരോപിക്കുന്നത്. പൊലീസിൽ പരാതി നൽകുമെന്നും കോൺ​ഗ്രസ് വ്യക്തമാക്കി.

അതേസമയം, വിവാദങ്ങൾക്ക് പിന്നാലെ ആരോപണം നിഷേധിച്ച് ബി ജെ പി രംഗത്തെത്തി. കൊടി പുതപ്പിച്ചതാരാണെന്ന് കണ്ടെത്താൻ ബി ജെ പിയും ന​ഗരസഭ അധികൃതരും രേഖാമൂലം പരാതി നൽകുമെന്നാണ് അറിയിച്ചിരിക്കുന്നത്. പ്രതിഷേധത്തിനെത്തിയ ഡി വൈ എഫ് ഐ പ്രവർത്തകർ ​ഗാന്ധി പ്രതിമയിൽ പുഷ്‌പഹാരം അണിയിച്ചു. തുടർന്ന് മുദ്രാവാക്യം വിളിക്കുകയും ചെയ്‌‌തു. തിരഞ്ഞെടുപ്പ് ഫലം പുറത്തുവന്ന ഉടൻ നഗരസഭയ്‌ക്ക് മുന്നിൽ ഫ്ലക്‌സ് സ്ഥാപിച്ചതുമായി ബന്ധപ്പെട്ട വിവാദങ്ങൾ കെട്ടടങ്ങും മുമ്പേയാണ് അടുത്ത വിവാദം ഉയർന്നിരിക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BJP, CPM, CONGRESS, LDF, UDF, NDA, BJP;, PALAKKAD MUNCIPALITY GANDHI STATCHUE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.