SignIn
Kerala Kaumudi Online
Thursday, 25 February 2021 10.54 PM IST

എയ്ഡഡ് സ്കൂൾ അദ്ധ്യാപകരുടെ രാഷ്ട്രീയ പ്രവർത്തനം : നിയമപരമായി നൽകിയ അനുവാദമെന്ന് സർക്കാർ

hc

കൊച്ചി : എയ്ഡഡ് സ്കൂൾ അദ്ധ്യാപകർക്ക് രാഷ്ട്രീയ പ്രവർത്തനം നടത്താനും ഇലക്ഷനിൽ മത്സരിക്കാനും അനുവാദമുണ്ടെന്നും കേരള വിദ്യാഭ്യാസ നിയമത്തിലും ചട്ടത്തിലും ഇതിനു വ്യവസ്ഥയുണ്ടെന്നും സർക്കാർ ഹൈക്കോടതിയിൽ അറിയിച്ചു. സർക്കാർ സ്കൂൾ അദ്ധ്യാപകർക്ക് രാഷ്ട്രീയ പ്രവർത്തനത്തിനു വിലക്കുള്ളത് എയ്ഡഡ് സ്കൂൾ അദ്ധ്യാപകർക്കു കൂടി ബാധകമാക്കാത്തത് അനീതിയാണെന്നാരോപിച്ച് അഭിഭാഷകനായ ജിബു പി. തോമസ് നൽകിയ ഹർജിയിലാണ് സർക്കാരിന്റെ വിശദീകരണം. പൊതുവിദ്യാഭ്യാസ വകുപ്പ് അണ്ടർ സെക്രട്ടറി ടി. വിജയനാണ് വിശദീകരണം നൽകിയത്.

എയ്ഡഡ് സ്കൂളുകളിലെയും സർക്കാർ സ്കൂളുകളിലെയും സേവന വ്യവസ്ഥകൾ വ്യത്യസ്തമാണ്. എയ്ഡഡ് സ്കൂളുകളിൽ മാനേജ്മെന്റുകൾക്കാണ് നിയമനാധികാരം. എയ്ഡഡ് സ്കൂൾ അദ്ധ്യാപകരുടെ ശമ്പള പരിഷ്കരണം പഠിക്കാൻ നിയോഗിച്ച സമിതി രാഷ്ട്രീയ പ്രവർത്തനം വിലക്കണമെന്ന് ശുപാർശ ചെയ്തിരുന്നെങ്കിലും സർക്കാർ തള്ളിയതാണ്. 1967 മേയ് 29 ലെ സർക്കാർ ഉത്തരവു പ്രകാരമാണ് എയ്ഡഡ് സ്കൂൾ അദ്ധ്യാപകർക്ക് രാഷ്ട്രീയ പ്രവർത്തനത്തിന് അനുമതി നൽകിയതെന്നും സർക്കാരിന്റെ വിശദീകരണത്തിൽ പറയുന്നു. ഹർജിയിൽ അടുത്ത ദിവസവും വാദം തുടരും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: AIDED SCHOOL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.