301 പേർക്ക് കൂടി കൊവിഡ്; 321 പേർക്ക് രോഗമുക്തി

തിരുവനന്തപുരം: ജില്ലയിൽ ഇന്നലെ 301 പേർക്ക് കൂടി കൊവിഡ് സ്ഥിരീകരിച്ചു. ഇതിൽ 189 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഒൻപത് പേർ ആരോഗ്യപ്രവർത്തകയാണ്. 321 പേർ രോഗമുക്തരായി. ജില്ലയിൽ നിലവിൽ 3,527 പേരാണ് രോഗം സ്ഥിരീകരിച്ചു ചികിത്സയിൽ കഴിയുന്നത്.

രോഗലക്ഷണങ്ങളെത്തുടർന്നു ഇന്നലെ 1,690 പേരെക്കൂടി നിരീക്ഷണത്തിലാക്കി. ഇവരടക്കം ആകെ 20,305 പേർ വീടുകളിലും 76 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെ വരെ നിരീക്ഷണത്തിലുണ്ടായിരുന്ന 1,314 പേർ നിരീക്ഷണകാലം പൂർത്തിയാക്കി.