അടൂർ യൂണിയനിൽ വിവാഹപൂർവ കൗൺസലിംഗ്

അടൂർ: എസ്.എൻ.ഡി.പി യോഗം അടൂർ യൂണിയന്റെയും എറണാകുളം മുക്തിഭവൻ കൗൺസലിംഗ് സെന്ററിന്റെയും സംയുക്താഭിമുഖ്യത്തിൽ 24-ാമത് വിവാഹപൂർവ കൗൺസലിംഗ് ഫെബ്രു.6, 7 തീയതികളിൽ യൂണിയൻ കോൺഫറൻസ് ഹാളിൽ നടക്കും. 6 ന് രാവിലെ 9.30ന് യൂണിയൻ അഡ്മിനിസ്ട്രേറ്റീവ് കമ്മറ്റിയംഗം ഷിബു കിഴക്കിടം ഉദ്ഘാടനം ചെയ്യും. യൂണിയൻ കൺവീനർ അഡ്വ. മണ്ണടി മോഹൻ അദ്ധ്യക്ഷത വഹിക്കും. മുക്തി ഭവൻ കൗൺസലിംഗ് ചെയർമാൻ രാജേഷ് പൊൻമല ആമുഖ പ്രസംഗം നടത്തും. വനിതാസംഘം യൂണിയൻ കൺവീനർ സുജമുരളി സ്വാഗതം പറയും. വിവിധ വിഷയങ്ങളിൽ രാജേഷ് പൊൻമല, ഡോ. ശരത്ചന്ദ്രൻ , ഷൈലജ രവീന്ദ്രൻ, അനൂപ് കെ.വി. വൈക്കം, കൊടുവഴങ്ങ ബാലകൃഷ്ണൻ എന്നിവർ ക്ലാസെടുക്കും.