534 പേർക്ക് കൊവിഡ് ; 594 പേർക്ക് രോഗമുക്തി

പത്തനംതിട്ട : ജില്ലയിൽ ഇന്നലെ 534 പേർക്ക് കൊവിഡ് സ്ഥിരീകരിച്ചു.
594 പേർ രോഗമുക്തരായി. രോഗം സ്ഥിരീകരിച്ചവരിൽ 18 പേർ വിദേശത്ത് നിന്ന് വന്നവരും 9 പേർ മറ്റ് സംസ്ഥാനങ്ങളിൽ നിന്ന് വന്നവരും 507 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 34 പേരുണ്ട്.

ജില്ലയിൽ ഇതുവരെ 39,876 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 34906 പേർ സമ്പർക്കം മൂലം രോഗം ബാധിച്ചവരാണ്.

ജില്ലയിൽ ഇന്നലെ 594 പേർ രോഗമുക്തരായി. ആകെ രോഗമുക്തരായവരുടെ എണ്ണം 34,314 ആണ്. ജില്ലക്കാരായ 5321 പേർ ചികിത്സയിലാണ്.

ഇന്നലെ ജില്ലയിൽ കൊവിഡ് ബാധിതരായ രണ്ടുപേരുടെ മരണം റിപ്പോർട്ട് ചെയ്തു.
ഏറത്ത് സ്വദേശിനി (55) കോട്ടയം മെഡിക്കൽ കോളേജ് ആശുപത്രിയിലും റാന്നിപഴവങ്ങാടി സ്വദേശിനി (57) വീട്ടിലുമാണ് മരിച്ചത്. തുടർന്ന് നടത്തിയ പ്രാഥമിക സ്രവ പരിശോധനയിൽ രോഗബാധ സ്ഥിരീകരിച്ചു.