രണ്ട് പെൺകുട്ടികൾ കുളത്തിൽ മുങ്ങിമരിച്ചു

മഞ്ചേരി: ഒരുമിച്ച് കളിക്കാനിറങ്ങിയ അയൽവാസികളായ കുട്ടികൾ കുളത്തിൽ മുങ്ങി മരിച്ചു. പാണ്ടിയാട് കണ്ണച്ചൻതൊടി മാങ്കുന്നൻ നാരായണന്റെ മകൾ ഭാഗ്യശ്രീ (7), കളരിക്കൽ ജിജേഷിന്റെ മകൾ ആരാധ്യ (5) എന്നിവരാണ് മരിച്ചത്.
ഇന്നലെ വൈകിട്ട് ആറരയോടെ വീട്ടിൽ നിന്ന് കളിക്കാനിറങ്ങിയതായിരുന്നു ഇരുവരും.വൈകിയിട്ടും കാണാതായതിനെ തുടർന്ന് വീട്ടുകാർ നടത്തിയ തെരച്ചിലിനൊടുവിലാണ് വീടിന് സമീപത്തെ വയലിനടുത്തുള്ള ഉപയോഗശൂന്യമായ കുളത്തിൽ ഇരുവരെയും കണ്ടെത്തിയത്. ആരാധ്യയെ മഞ്ചേരി സ്വകാര്യ ആശുപത്രിയിലും ഭാഗ്യശ്രീയെ മെഡിക്കൽ കോളേജിലും പ്രവേശിപ്പിച്ചെങ്കിലും രക്ഷിക്കാനായില്ല. പ്രീതയാണ്ഭാഗ്യശ്രീയുടെ അമ്മ അച്ഛൻ നാരായണൻ വിദേശത്താണ്. സഹോദരി അനുഗ്രഹ. അഞ്ജുവാണ് ആരാധ്യയുടെ അമ്മ. സഹോദരി ആർദ്ര. മൃതദേഹങ്ങൾ മഞ്ചേരി മോർച്ചറിയിലേക്ക് മാറ്റി.