യാത്രയിൽ സൂക്ഷിക്കേണ്ടതുണ്ട് ചില ഭക്ഷണങ്ങൾ

*ഉണങ്ങിയതും പായ്‌ക്ക് ചെയ്‌തതുമായ ഭക്ഷണപദാർത്ഥങ്ങൾ പൊതുവെ സുരക്ഷിതമായിരിക്കും. കാരണം രോഗാണുക്കൾക്ക് വളരാൻ ഈർപ്പം വേണം. ഉദാഹരണമായി ബ്രെഡ്, പൊട്ടറ്റോ ചിപ്‌സ്, ടിന്നിലടച്ച ഭക്ഷ്യവസ്തുക്കൾ തുടങ്ങിയവ തുറന്നിട്ടില്ലെങ്കിൽ അഥവാ മറ്റാരെങ്കിലും കൈകാര്യം ചെയ്‌തിട്ടില്ലെങ്കിൽ മിക്കവാറും സുരക്ഷിതമായിരിക്കും. പക്ഷേ ഉണ്ടാക്കിയ തീയതി ശ്രദ്ധിക്കണം. കാലാവധി കഴിഞ്ഞ പഴകിയ പദാർത്ഥങ്ങൾ കഴിക്കരുത്.

*വേവിക്കാത്ത ഭക്ഷണം ഒഴിവാക്കുന്നതാണ് നല്ലത്. പഴങ്ങളും പച്ചറികളും (വേവിക്കാതെ സാലഡ് രൂപത്തിൽ) കഴിക്കണമെങ്കിൽ അവ നിങ്ങൾതന്നെ തൊലി കളഞ്ഞ് വൃത്തിയുള്ള വെള്ളത്തിലോ കുപ്പിവെള്ളത്തിലോ കഴുകി ഭക്ഷിക്കുന്നതാണ് സുരക്ഷിതം.

* നന്നായി വേവിച്ചിട്ടോ ഗ്രിൽ ചെയ്‌തിട്ടോ ചൂടോടെ വിളമ്പുന്ന ഭക്ഷണങ്ങൾ കഴിക്കാവുന്നതാണ്. തണുത്തതും പഴയതുമായ ഭക്ഷണം കഴിക്കരുത്.