SignIn
Kerala Kaumudi Online
Monday, 08 March 2021 10.10 PM IST

കേന്ദ്ര ബ‌ഡ്ജറ്റ് വിഹിതം തേടി മന്ത്രി സുധാകരൻ കത്തയച്ചു

sudhakaran

തിരുവനന്തപുരം: തിരുവനന്തപുരം - കാസർകോട് സെമി ഹൈസ്പീഡ് റെയിൽവേ ഉൾപ്പെടെയുള്ള വിവിധ പദ്ധതികൾക്ക് 2021-2022 കേന്ദ്രബജറ്റിൽ അർഹമായ വിഹിതം അനുവദിക്കണമെന്ന് ആവശ്യപ്പെട്ടുകൊണ്ട് കേന്ദ്ര റെയിൽവേ മന്ത്രിക്ക് മന്ത്രി ജി. സുധാകരൻ കത്തയച്ചു.
കേന്ദ്ര റെയിൽവേ മന്ത്രാലയത്തിന്റെ തത്വത്തിലുളള അംഗീകാരം ലഭിച്ച പദ്ധതിയാണ് തിരുവനന്തപുരം-കാസർകോട് സെമി ഹൈസ്പീഡ് റെയിൽ കോറിഡോർ. കേരള റെയിൽ ഡെവലപ്‌മെന്റ് കോർപ്പറേഷനാണ് നിർമ്മാണച്ചുമതല. കേന്ദ്ര സർക്കാരിന് സമർപ്പിച്ചിട്ടുളള ഈ പദ്ധതിയുടെ ഡി.പി.ആർ അംഗീകരിക്കുന്നതിനും 2021-2022 റെയിൽവേ പിങ്ക് ബുക്കിൽ ഉൾപ്പെടുത്തി വിഹിതം അനുവദിക്കുന്നതിനും കത്തിൽ ആവശ്യപ്പെട്ടിട്ടുണ്ട്. 2013-ൽ തറക്കല്ലിട്ട റെയിൽവേ കോച്ച് ഫാക്ടറിയുടെ പൂർത്തീകരണത്തിനും വിഹിതം അനുവദിക്കണം. എറണാകുളം-പൊന്നുരുന്നിയിലെ മാർഷലിംഗ് യാർഡ് കോച്ചിംഗ് ടെർമിനലായും സ്റ്റേഷൻ സമുച്ചയമായും പുനർനിർമ്മിക്കണം. നേമം റെയിൽവേ സ്റ്റേഷന്റെ വികസനത്തിനും തിരുവനന്തപുരം-കന്യാകുമാരി റെയിൽപാത ഇരട്ടിപ്പിക്കലിനും അർഹമായ വിഹിതം അനുവദിക്കണം. കൊച്ചുവേളി ഉൾപ്പെടെയുളള റെയിൽവേ സ്റ്റേഷനുകൾ വികസിപ്പിക്കുന്നതിന് അർഹമായ പരിഗണന നൽകണം. എറണാകുളം-അമ്പലപ്പുഴ തീരദേശ പാത ഇരട്ടിപ്പിക്കലിന് മുൻഗണന നൽകി കേരളത്തിന്റെ റെയിൽവേ വികസനത്തിനാവശ്യമായ ഫണ്ട് അനുവദിക്കണമെന്നും കത്തിൽ ആവശ്യപ്പെട്ടിട്ടുണ്ട്. തിരുവനന്തപുരം-കണ്ണൂർ ശതാബ്ദി എക്സ്‌പ്രസ് ഉൾപ്പെടെ അധിക ട്രെയിനുകൾ അനുവദിക്കണമെന്നും ഹ്രസ്വദൂര യാത്രക്കാർക്ക് ഏറ്റവും സഹായകരമാകുന്ന മെമു ട്രെയിനുകൾ പാലക്കാട്, തിരുവനന്തപുരം ഡിവിഷനുകളിൽ കൂടുതലായി അനുവദിക്കണമെന്നും ആവശ്യപ്പെട്ടിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: G SUDHAKARAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.