SignIn
Kerala Kaumudi Online
Tuesday, 13 April 2021 4.17 AM IST

കാർഷിക നിയമങ്ങൾക്കെതിരെ മുദ്രാവാക്യം വിളിച്ചവരെ അടിച്ചൊതുക്കി കേന്ദ്ര മന്ത്രിയുടെ അനുയായികൾ; നിരവധി പേർക്ക് പരിക്ക്

bjp

മുസഫർനഗർ: ഉത്തർപ്രദേശിലെ മുസഫർനഗറിൽ കർഷകരും ബി.ജെ.പി. പ്രവർത്തകരും തമ്മിൽ ഏറ്റുമുട്ടി. കേന്ദ്ര മന്ത്രി സൻജീവ് ബല്യാണിന്റെ സഹായികളും കർഷകരും തമ്മിൽ ഏറ്റുമുട്ടിയതായി ദേശീയ മാദ്ധ്യമങ്ങൾ റിപ്പോർട്ട് ചെയ്തു. ഷാഹ്പുർ പൊലീസ് സ്റ്റേഷൻ പരിധിയിലെ സോറം ഗ്രാമത്തിലാണ് സംഭവം നടന്നതായി പറയപ്പെടുന്നത്.

ഗ്രാമത്തിലെ ഒരു മുതിർന്ന അംഗത്തിന്റെ മരണാനന്തര ചടങ്ങുകളിൽ പങ്കെടുക്കാനായി എത്തിയതായിരുന്നു സൻജീവ് ബല്യാൺ. ആ സമയം ചില ഗ്രാമവാസികൾ അദ്ദേഹത്തിനെതിരെയും വിവാദ കാർഷിക നിയമങ്ങൾക്കെതിരെയും മുദ്രാവാക്യം മുഴക്കി. ഇതോടെ അദ്ദേഹത്തിന്റെ സഹായികളിലൊരാൾ സുരക്ഷ ഉദ്യോഗസ്ഥരിൽ നിന്നും വടി പിടിച്ചു വാങ്ങുകയും ഗ്രാമവാസികളെ അക്രമിക്കുകയുമായിരുന്നു. ഇത് പ്രശ്നത്തിലേക്ക് നയിക്കുകയും സ്ഥിതിഗതികൾ നിയന്ത്രണവിധേയമാക്കാൻ ഇടപെടാൻ പൊലീസിനെ നിർബന്ധിതരാക്കുകയും ചെയ്തു. പിന്നാലെ പഞ്ചായത്ത് വിളിച്ചുകൂട്ടിയ ഗ്രാമവാസികൾ ബല്യാണിനും സഹായികൾക്കും എതിരെ കേസ് രജിസ്റ്റർ ചെയ്യപ്പെടണമെന്നാവശ്യപ്പെട്ട് ഷാഹ്പുർ പൊലീസ് സ്റ്റേഷനുമുന്നിൽ പ്രതിഷേധിച്ചു.

അതേസമയം കർഷക സമരക്കാരും ബി.ജെ.പി പ്രവർത്തകരും ഏറ്റുമുട്ടിയതായി ആർ.എൽ.ഡി നേതാവും മുൻ എം.പിയുമായ ജയന്ത് ചൗധരി ചിത്രങ്ങൾ സഹിതം ട്വീറ്റ് ചെയ്തു. സോറം ഗ്രാമത്തിൽ ബി.ജെ.പി നേതാക്കളും കർഷകരും തമ്മിലുണ്ടായ സംഘർഷത്തിൽ നിരവധിപ്പേർക്ക് പരിക്കേറ്റു. കർഷകർക്കനുകൂലമായി സംസാരിക്കാൻ കഴിയില്ലെങ്കിൽ അവരോടുളള പെരുമാറ്റമെങ്കിലും നന്നാക്കൂ. കർഷകരെ ബഹുമാനിക്കൂ. ഈ നിയമത്തിന്റെ ഗുണങ്ങൾ പറയുന്ന സർക്കാരിന്റെ പ്രതിനിധികളുടെ ഗുണ്ടായിസം ഗ്രാമവാസികൾ സഹിക്കുമോയെന്നും ജയന്ത് ചൗധരി ട്വിറ്ററിൽ കുറിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, BJP, BJP ATTACK, FARMERS, UTHAR PRADESH, UP, UP POLICE, FARM LAW, FARM LAWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.