സ്വർണം വാങ്ങാൻ പ്ലാനുണ്ടോ? എങ്കിൽ ഇതാണ് സുവർണാവസരം! വില കുത്തനെ ഇടിഞ്ഞു

തിരുവനന്തപുരം: സംസ്ഥാനത്ത് സ്വർണവില കുത്തനെ ഇടിഞ്ഞു. പവന് 760 രൂപ കുറഞ്ഞ് 33,680 രൂപയായി. ഗ്രാമിന് 4210 രൂപയാണ് ഇന്നത്തെ വില. ഇന്നലെ പവന് 34,440 രൂപയായിരുന്നു വില. കഴിഞ്ഞ ഓഗസ്റ്റിൽ പവന് 42,000 രൂപയായിരുന്നു വില. ആറ് മാസം കൊണ്ട് 8,000 രൂപയിലധികമാണ് കുറഞ്ഞത്.

ആഗോള വിപണിയിൽ സ്‌പോട് ഗോൾഡ് വില ഔൺസിന് 1,715 ഡോളറായും കുറഞ്ഞു. ആറുമാസത്തിനിടെ 216 ഡോളറാണ് കുറഞ്ഞത്. കമ്മോഡിറ്റി വിപണിയായ എംസിഎക്‌സിൽ 10 ഗ്രാം 24 കാരറ്റ് സ്വർണത്തിന്റെ വില 259 രൂപയാണ് കുറഞ്ഞത്. വെള്ളിയുടെ വിലയിലും കുറവ് രേഖപ്പെടുത്തിയിട്ടുണ്ട്.