അടിയന്തരാവസ്ഥ തെറ്റായിരുന്നു: രാഹുൽ ഗാന്ധി

ന്യൂഡൽഹി: ഇന്ദിരാഗാന്ധി പ്രധാനമന്ത്രിയായിരിക്കെ 1975 ൽ രാജ്യത്ത് ഏർപ്പെടുത്തിയ അടിയന്തരാവസ്ഥയെ തള്ളിപ്പറഞ്ഞ് കോൺഗ്രസ് നേതാവ് രാഹുൽഗാന്ധി. അടിയന്തരാവസ്ഥ പൂർണമായും തെറ്റായിരുന്നു. മുത്തശ്ശിയും (ഇന്ദിരാഗാന്ധി) സമാനമായ അഭിപ്രായം പറഞ്ഞിട്ടുണ്ട്. എന്നാൽ ആർ.എസ്.എസിനെ പോലെ രാജ്യത്തെ ജനാധിപത്യ സ്ഥാപനങ്ങൾ പിടിച്ചെടുക്കാൻ കോൺഗ്രസ് ഒരിക്കലും ശ്രമിച്ചിട്ടില്ലെന്നും രാഹുൽ പറഞ്ഞു.

മൻമോഹൻ സർക്കാരിന്റെ മുഖ്യസാമ്പത്തിക ഉപദേഷ്ടാവും കോർണെൽ യൂണിവേഴ്‌സിറ്റി പ്രൊഫസറുമായ കൗശിക് ബസുവുമായി ചൊവ്വാഴ്ച നടന്ന ഓൺലൈൻ സംവാദത്തിലായിരുന്നു രാഹുലിന്റെ പരാമർശം.

പാർട്ടിയിലും യുവജന സംഘടനകളിലും തിരഞ്ഞെടുപ്പ് ആവശ്യപ്പെടുന്നയാളാണ് താനെന്നും ഇതിന്റെ പേരിൽ താൻ ക്രൂശിക്കപ്പെട്ടെന്നും കോൺഗ്രസിലെ ഉൾപ്പാ‌ർട്ടി ജനാധിപത്യത്തെക്കുറിച്ചുള്ള ചോദ്യത്തിന് മറുപടിയായി രാഹുൽ പറഞ്ഞു.

ആർ.എസ്.എസുകാർ ഇപ്പോൾ എല്ലാ സ്ഥാപനങ്ങളും പിടിച്ചെടുക്കുകയാണ്. ജുഡിഷ്യറിയിലും ബ്യൂറോക്രസിയിലും ഇലക്‌ഷൻ കമ്മിഷനിലും മാദ്ധ്യമങ്ങളിലും അവർ അതിക്രമിച്ചു കയറിയിരിക്കുന്നു. കോൺഗ്രസ് പാർട്ടി ഒരിക്കലും ഇന്ത്യയുടെ വ്യവസ്ഥാപിത സ്ഥാപനങ്ങളെ പിടിച്ചടക്കാൻ ശ്രമിച്ചിട്ടില്ല. കോൺഗ്രസിന് അതിനുള്ള ശേഷി ഇല്ല. വേണമെന്ന് കരുതിയാൽ പോലും കോൺഗ്രസിന് അതു കഴിയില്ല. അങ്ങനെയാണ് പാർട്ടിയുടെ ചട്ടക്കൂട്. ആർ.എസ്.എസുകാരാൽ നിറയ്ക്കപ്പെട്ട മദ്ധ്യപ്രദേശിൽ കോൺഗ്രസ് സർക്കാരിന് പ്രവർത്തിക്കാനായില്ല. അവിടത്തെ ഉന്നത ഉദ്യോഗസ്ഥരെല്ലാം ആർ. എസ്. എസ്‌കാരാണെന്നും അവർ താൻ പറയുന്നത് അനുസരിക്കുന്നില്ലെന്നും കോൺഗ്രസ് മുഖ്യമന്ത്രിയായിരുന്ന കമൽനാഥ് തന്നോട് പറഞ്ഞിട്ടുണ്ടെന്നും രാഹുൽ വെളിപ്പെടുത്തി.

ബി.ജെ.പിയെ തോൽപ്പിച്ചാലും ഈ സ്ഥാപനങ്ങളിലെ ആർ.എസ്.എസുകാരെ നീക്കാനാവില്ല. മോദിയെ ഉയർത്തിക്കൊണ്ടുവന്നത് ആർ.എസ്.എസിന് വലിയതോതിൽ ഫണ്ട് കിട്ടാനാണ്. കോടികളാണ് ആർ.എസ്.എസ് സ്ഥാപനങ്ങൾക്ക് നൽകുന്നതെന്നും രാഹുൽ പറഞ്ഞു.

രാ​ഹു​ലി​നെ​ ​ക​ളി​യാ​ക്കി​ ​ജാ​വ​ദേ​ക്കർ

​അ​ടി​യ​ന്ത​രാ​വ​സ്ഥ​യു​മാ​യി​ ​ബ​ന്ധ​പ്പെ​ട്ട​ ​രാ​ഹു​ലി​ന്റെ​ ​പ​രാ​മ​ർ​ശം​ ​ചി​രി​ക്കാ​ൻ​ ​വ​ക​ ​ന​ൽ​കു​ന്ന​താ​ണെ​ന്ന് ​കേ​ന്ദ്ര​മ​ന്ത്രി​ ​പ്ര​കാ​ശ് ​ജാ​വ​ദേ​ക്ക​ർ​ ​പ​രി​ഹ​സി​ച്ചു.​ ​അ​ടി​യ​ന്ത​രാ​വ​സ്ഥ​ക്കാ​ല​ത്ത് ​എ​ല്ലാ​ ​സ്ഥാ​പ​ന​ങ്ങ​ളെ​യും​ ​സ​ർ​ക്കാ​ർ​ ​ദു​ർ​ബ​ല​മാ​ക്കി.
സ​ർ​ക്കാ​രി​നെ​ ​എ​തി​ർ​ത്ത​ ​എ​ല്ലാ​ ​എം.​പി​മാ​രെ​യും​ ​എം.​എ​ൽ.​എ​മാ​രെ​യും​ ​അ​റ​സ്റ്റ് ​ചെ​യ്തു.​ ​മി​ക്ക​ ​പാ​ർ​ട്ടി​ക​ളെ​യും​ ​നി​രോ​ധി​ച്ചു.​ ​സ​ർ​ക്കാ​രി​നെ​ ​വി​മ​ർ​ശി​ച്ച​ ​പ​ത്ര​ങ്ങ​ളെ​ ​അ​ട​ച്ചു​പൂ​ട്ടി.​ ​ആ​ർ.​എ​സ്.​എ​സി​നെ​ ​മ​ന​സി​ലാ​ക്കാ​ൻ​ ​രാ​ഹു​ലി​ന് ​ഇ​നി​യും​ ​ഒ​രു​പാ​ട് ​സ​മ​യം​ ​വേ​ണ്ടി​വ​രും.​ ​ലോ​ക​ത്ത് ​ദേ​ശ​സ്‌​നേ​ഹ​ത്തി​ന്റെ​ ​ഏ​റ്റ​വും​ ​വ​ലി​യ​ ​സ്‌​കൂ​ളാ​ണ് ​ആ​ർ.​എ​സ്.​എ​സ് ​എ​ന്നും​ ​ജാ​വ​ദേ​ക്ക​ർ​ ​പ​റ​ഞ്ഞു.