SignIn
Kerala Kaumudi Online
Monday, 12 April 2021 12.37 AM IST

കുമ്മനത്തിന്റെ ഈ ട്രിക്ക് ബി ജെ പി ഭരിക്കുന്ന സംസ്ഥാനങ്ങളിലെ നേതാക്കൾക്ക് ഇതുവരെ കത്തിയിട്ടില്ല,​ കേരളത്തിന്റെ ഭാഗ്യമെന്ന് തോമസ് ഐസക്

thomas-isaac-a

തിരുവനന്തപുരം : ബി.ജെ.പി അധികാരത്തിലെത്തിയാൽ സംസ്ഥാനത്ത് 60 രൂപയ്ക്ക് പെട്രോള്‍ വിൽക്കുമെന്ന് പറഞ്ഞ കുമ്മനം രാജശേഖരനെ പരിഹസിച്ച്‌ ധനമന്ത്രി ഡോ. തോമസ് ഐസക്. പെട്രോള്‍ എങ്ങനെ 60 രൂപയ്ക്കു വില്‍ക്കാന്‍ പറ്റുമെന്നാണ് മന്ത്രി ചോദിക്കുന്നത്. 'പെട്രോളും ഡീസലും അമ്ബതു രൂപയ്ക്കു കിട്ടുമെന്നായിരുന്നല്ലോ നോട്ടുനിരോധന കാലത്ത് നാം കേട്ടിരുന്നത്. ഏതായാലും ആ വിലയ്ക്കല്ല കുമ്മനത്തിന്റെ വില്പന. പത്തു രൂപ അധികം കൊടുക്കേണ്ടി വരും. എന്നാലും സാരമില്ല. ആ വിലയ്ക്കായാലും ലാഭമാണ്.

ഈ ട്രിക്ക് ഗുജറാത്ത്, ക‍ർണാടക, ഉത്തർപ്രദേശ് തുടങ്ങിയ സംസ്ഥാനങ്ങളിലെ ബി.ജെ.പി നേതാക്കൾക്ക് ഇതുവരെ കത്തിയിട്ടില്ല. നോക്കൂ. മോദിജിയുടെ സ്വന്തം അഹമ്മദാബാദിൽ 88 രൂപയ്ക്കാണ് പെട്രോൾ വിൽക്കുന്നത്. ബാംഗ്ലൂരിൽ 94.22 രൂപയ്ക്കും യോഗി ആദിത്യനാഥ് ജിയുടെ ലക്നൗവിൽ 89.30 രൂപയ്ക്കും. ഇവിടെയൊക്കെ പാവങ്ങളായ ബി.ജെ.പി പ്രവർത്തകരടക്കം തീവിലയ്ക്കു വാങ്ങുന്ന പെട്രോളാണ് നമുക്കു വേണ്ടി കുമ്മനംജി 60 രൂപയ്ക്കു വില്ക്കാന് പോകുന്നത്. കേരളത്തിന്റെ ഭാഗ്യം. അല്ലാതെന്തു പറയാനെന്നും തോമസ് ഐസക്ക് ഫേസ്ബുക്കിൽ കുറിച്ചു.

തോമസ് ഐസകിന്റെ ഫേസ്ബുക്ക് പോസ്റ്റ്:

അധികാരം കിട്ടിയാ> ചുട്ട കോഴിയെ പറപ്പിച്ചു കളയുമെന്ന വാഗ്ദാനവും കുമ്മനം രാജശേഖരന് കേരളത്തിനു നല്കിയാല് അത്ഭുതമല്ല. സംസ്ഥാനത്ത് പെട്രോള് വില അറുപതു രൂപയാക്കാന് ശേഷിയുള്ള ആളിന് അതും കഴിയും. ഇക്കാര്യത്തില് കെ സുരേന്ദ്രനും അദ്ദേഹവും തമ്മിലുള്ള ചെറിയ വിയോജിപ്പ് നാം കണക്കിലെടുക്കേണ്ടതില്ല. പെട്രോളും ഡീസലും അമ്ബതു രൂപയ്ക്കു കിട്ടുമെന്നായിരുന്നല്ലോ നോട്ടുനിരോധനകാലത്ത് നാം കേട്ടിരുന്നത്. ഏതായാലും ആ വിലയ്ക്കല്ല കുമ്മനത്തിന്റെ വില്പന. പത്തു രൂപ അധികം കൊടുക്കേണ്ടി വരും. എന്നാലും സാരമില്ല. ആ വിലയ്ക്കായാലും ലാഭമാണ്.
എന്താണീ മായാജാലത്തിന്റെ ഗുട്ടന്സ്? സംഗതി പരമരഹസ്യമാണ്.

സംസ്ഥാനത്തിന്റെ നികുതി വേണ്ടെന്നു വെച്ചാണ് ഈ ലക്ഷ്യത്തിലെത്തുക എന്നൊക്കെ അദ്ദേഹം പത്രസമ്മേളനത്തില് പറഞ്ഞതു വെറുതേയാണ്. അതല്ല തന്ത്രം. ബിജെപി ഭരിക്കുന്ന സംസ്ഥാനങ്ങള് വേറെയുമുണ്ട് രാജ്യത്ത്. അവര് കോപ്പിയടിച്ചാല് കുമ്മനംജിയുടെ എക്സ്‌ക്ലൂസിവിറ്റി നഷ്ടപ്പെടും. അതു കൊണ്ടാണ് രഹസ്യം പുറത്തു പറയാത്തത്.

അല്ലെങ്കില്ത്തന്നെ സംസ്ഥാനം നികുതി കുറച്ചാല് പെട്രോള് എങ്ങനെ 60 രൂപയ്ക്കു വില്ക്കാന് പറ്റും? നമുക്കു കണക്കുനോക്കാം. ഇന്ന് 93 രൂപയാണ് പെട്രോളിന്റെ വില. അതില് സംസ്ഥാന നികുതി 21 രൂപയാണ്. 93ല് നിന്ന് 21 കുറച്ചാല് 60 അല്ല 72 ആണ്. അപ്പോള് കുമ്മനംജി പറയുന്ന അറുപതെത്താന് പിന്നെയും കുറയണം 12 രൂപ. എങ്കിലേ 60 രൂപയ്ക്ക് പെട്രോള് കിട്ടൂ. അപ്പോള് സംസ്ഥാന നികുതി കുറയ്ക്കുന്നതല്ല തന്ത്രം. അതെന്തായിരിക്കും?

പറയാം. ഇപ്പോള് 1000 മില്ലീ ലിറ്ററാണല്ലോ ഒരു ലിറ്റര്? കേരളത്തില് ബിജെപിയ്ക്ക് അധികാരം കിട്ടിയാല് 500 എംഎല് സമം ഒരു ലിറ്റര് എന്ന് ഉത്തരവിറക്കും. രാജ്യത്തെ കറന്സി രായ്ക്കുരാമാനം അസാധുവാക്കിയവര്ക്ക് ഇതൊക്കെ നിസാരമാണ്. ഒരു ലിറ്റര് തികയാന് ആയിരം മില്ലിയെന്നത് പാശ്ചാത്യരുടെ കണക്കാണെന്നും ആര്ഷഭാരതഗണിതം അത് അംഗീകരിക്കുന്നില്ലെന്നും ഇവിടെ ഒരു ലിറ്റര് തികയാന് അഞ്ഞൂറു മില്ലി മതി എന്നും ഉത്തരവില് വിശദീകരിക്കും.

ഈ പോക്കു പോയാല് വോട്ടെണ്ണി വരുമ്‌ബോഴേയ്ക്കും പെട്രോള് വില ലിറ്ററിന് 120 ആകുമല്ലോ. അപ്പോള് 500 എംഎല് സമം ഒരു ലിറ്റര് എന്ന ഉത്തരവു പുറപ്പെടുവിക്കാനുള്ള അധികാരം ബിജെപിയ്ക്കു കൈവരുമ്‌ബോള് കേരളത്തില് കൃത്യം 60 രൂപയ്ക്ക് പെട്രോള് വില്ക്കാന് പറ്റും. വില 120 മുകളില് പോയാല് എന്തു ചെയ്യുമെന്നല്ലേ അടുത്ത സംശയം. അധികാരമല്ലേ കൈയിലിരിക്കുന്നത്, 500 എംഎല് സമം ഒരു ലിറ്റര് എന്ന സമവാക്യം തരാതരം പോലെ 300 എംഎല്, 250 എംഎല് എന്ന നിലയില് പരിഷ്‌കരിക്കും.

ഈ ട്രിക്ക് ഗുജറാത്ത്, കര്ണാടക, ഉത്തര്പ്രദേശ് തുടങ്ങിയ സംസ്ഥാനങ്ങളിലെ ബിജെപി നേതാക്കള്ക്ക് ഇതുവരെ കത്തിയിട്ടില്ല. നോക്കൂ. മോഡിജിയുടെ സ്വന്തം അഹമ്മദാബാദില് 88 രൂപയ്ക്കാണ് പെട്രോള് വില്ക്കുന്നത്. ബാംഗ്ലൂരില് 94.22 രൂപയ്ക്കും യോഗി ആദിത്യനാഥ് ജിയുടെ ലക്നൗവില് 89.30 രൂപയ്ക്കും. ഇവിടെയൊക്കെ പാവങ്ങളായ ബിജെപി പ്രവര്ത്തകരടക്കം തീവിലയ്ക്കു വാങ്ങുന്ന പെട്രോളാണ് നമുക്കു വേണ്ടി കുമ്മനംജി 60 രൂപയ്ക്കു വില്ക്കാന് പോകുന്നത്.

കേരളത്തിന്റെ ഭാഗ്യം. അല്ലാതെന്തു പറയാന്?

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THOMAS ISAAC, KUMMANAM RAJASEKHARAN, BJP, PETROL PRICE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.