48 പേർക്ക് കൊവിഡ്

പത്തനംതിട്ട : ജില്ലയിൽ ഇന്നലെ 48 പേർക്ക് കൊവിഡ് സ്ഥിരീകരിച്ചു;
525 പേർ രോഗമുക്തരായി. രോഗം സ്ഥിരീകരിച്ചവരിൽ ഒരാൾ വിദേശത്ത് നിന്ന് വന്നതും 2 പേർ മറ്റ് സംസ്ഥാനങ്ങളിൽ നിന്നും വന്നതും, 45 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 2 പേർ ഉണ്ട്.

ജില്ലയിൽ ഇതുവരെ ആകെ 57,668 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 52035 പേർ സമ്പർക്കം മൂലം രോഗം ബാധിച്ചവരാണ്.

ജില്ലിൽ ഇന്നലെ 525 പേർ രോഗമുക്തരായി. ആകെ രോഗമുക്തരായവരുടെ എണ്ണം 54997 ആണ്.

രണ്ടുമരണം കൂടി

ഇന്നലെ ജില്ലയിൽ കൊവിഡ് ബാധിതരായ

2 പേരുടെ മരണം റിപ്പോർട്ട് ചെയ്തു.
1) രണ്ടിന് രോഗബാധ സ്ഥിരീകരിച്ച പന്തളം സ്വദേശിനി (47) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചു.
2) ഒന്നിന് രോഗബാധ സ്ഥിരീകരിച്ച അടൂർ സ്വദേശി (51) തിരുവനന്തപുരം മെഡിക്കൽ കോളേജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചു.