SignIn
Kerala Kaumudi Online
Saturday, 10 April 2021 7.44 PM IST

അഞ്ചുലക്ഷം രൂപയുടെ പുകയില ഉത്‌പന്നങ്ങളുമായി ബീഹാർ സ്വദേശി അറസ്റ്റിൽ

ddd
സംഘം പിടികൂടിയ നിരോധിത പുകയില ഉത്പന്നങ്ങളും പ്രതിയും

മൂന്നാർ: അഞ്ചുലക്ഷം രൂപയുടെ നിരോധിത പുകയില ഉത്പന്നങ്ങളുമായി ബീഹാർ സ്വദേശി എക്‌സൈസിന്റെ പിടിയിൽ. ബീഹാർ ദർവ ഗംഗ സ്വദേശി മുഹമ്മദ് കൈസാണ് (44) അറസ്റ്റിലായത്. ഇടുക്കി എക്‌സൈസ് രഹസ്യാന്വേഷണ വിഭാഗത്തിന് ലഭിച്ച രഹസ്യവിവരത്തെ തുടർന്ന് നടത്തിയ പരിശോധനയിലാണ് നടയാർ റോഡിലെ തേവർ കോളനിയിലെ പ്രതി താമസിച്ചിരുന്ന വീട്ടിൽ ചാക്കുകളിൽ സൂക്ഷിച്ചിരുന്ന പുകയില ഉത്പന്നങ്ങൾ പിടിച്ചെടുത്തത്. നിരോധിത പുകയില ഉത്പന്നങ്ങളായ പാൻപരാഗ്, ഗുഡ്ക, ഹാൻസ്, ഗണേശ് തുടങ്ങിയവയാണ് പിടിച്ചെടുത്തത്. ആറ് മുതൽ 10 രൂപ വരെ വിലയുള്ള ഉത്പന്നങ്ങൾ ടൗണിൽ ഇയാൾ നടത്തി വരുന്ന കമ്പിളി വസ്ത്ര വിൽപ്പന ശാലയിൽ വച്ച് 80 രൂപയ്ക്കാണ് ആവശ്യക്കാർക്ക് വിറ്റു വന്നത്. ബ്ലംഗ്ലൂരിൽ നിന്ന് കമ്പിളി വസ്ത്രങ്ങൾ എന്ന പേരിൽ ട്രെയിനിലാണ് ഇവ കേരളത്തിലേക്ക് കൊണ്ടുവരുന്നതെന്ന് ഇയാൾ പറഞ്ഞു. കഴിഞ്ഞ 10 വർഷമായി ടൗണിൽ കമ്പിളി വ്യാപാരം നടത്തി വരികയാണ്. പ്രതിയെ ദേവികുളം കോടതിയിൽ ഹാജരാക്കി. മറയൂർ എക്‌സൈസ് ഇൻസ്‌പെക്ടർ ടി. രഞ്ജിത്ത് കുമാർ, രഹസ്യാന്വേഷണ വിഭാഗം പ്രിവന്റീവ് ആഫീസർ എസ്. ബാലസുബ്രമണ്യൻ, പ്രിവന്റീവ് ആഫീസർമാരായ സി.സി. സാഗർ, പി.ജി.രാധാകൃഷ്ണൻ ,സി.ഇ.ഒമാരായ റോജൻ അഗസ്റ്റിൻ, വിനീത്, സി.കെ.മനീഷ് മോൻ, അഭിലാഷ്, വി.ആർ.ബിന്ദു മോൾ എന്നിവരുടെ നേതൃത്വത്തിലാണ് പുകയില ഉത്പന്നങ്ങൾ പിടിച്ചെടുത്തത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, IDUKKI
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.