SignIn
Kerala Kaumudi Online
Friday, 06 August 2021 7.51 AM IST

ഡോളർ കേസിലെ ചോദ്യംചെയ്യൽ നിയമസഭ - കസ്റ്റംസ് പോര് മുറുകി

kal

തിരുവനന്തപുരം: ഡോളർ കടത്തു കേസിൽ സ്പീക്കർ പി.ശ്രീരാമകൃഷ്ണന്റെ അഡിഷണൽ പ്രൈവറ്റ് സെക്രട്ടറിയെ ചോദ്യം ചെയ്യലിന് വിളിപ്പിച്ചതുമായി ബന്ധപ്പെട്ട് നിയമസഭയെ കസ്റ്റംസ് അവഹേളിച്ചെന്ന് രാജു എബ്രഹാം നൽകിയ പരാതിയിൽ പ്രിവിലേജസ് ആൻഡ് എത്തിക്സ് കമ്മിറ്റി കസ്റ്റംസ് ജോയിന്റ് കമ്മിഷണർ വസന്തഗോപന് നോട്ടീസയച്ചതോടെ പോര് വീണ്ടും മുറുകി.

കഴിഞ്ഞ സഭാസമ്മേളനകാലത്ത് രാജു എബ്രഹാം നൽകിയ പരാതിയിലാണ് സഭാസമിതി നോട്ടീസ് അയയ്ക്കാൻ തീരുമാനിച്ചത്. മറുപടി നൽകാൻ സമയം നീട്ടിക്കിട്ടണമെന്നഭ്യർത്ഥിച്ചുള്ള കസ്റ്റംസിന്റെ കത്ത് ഇന്നലെ നിയമസഭയ്ക്ക് ലഭിച്ചു. പശ്ചിമബംഗാളിൽ തിരഞ്ഞെടുപ്പ് നിരീക്ഷകനായി ജോയിന്റ് കമ്മിഷണർ പോയതിനാലാണ് സമയം നീട്ടിച്ചോദിച്ചിരിക്കുന്നത്.

അഡിഷണൽ പ്രൈവറ്റ് സെക്രട്ടറിയെ വിളിപ്പിച്ചത് നിയമപ്രകാരമല്ലെന്ന് സഭാ സെക്രട്ടറി അന്ന് കസ്റ്റംസിനെ ധരിപ്പിച്ചിരുന്നു. അതിനുള്ള മറുപടിയിൽ നിയമസഭയെ അവഹേളിച്ചെന്നാണ് പരാതിയുണ്ടായത്. ആ പരാതിയുടെ അടിസ്ഥാനത്തിലാണ് പ്രിവിലജസ് കമ്മിറ്റി കസ്റ്റംസ് ജോയിന്റ് കമ്മിഷണർക്ക് വീണ്ടും നോട്ടീസയച്ചത്. സഭാ ചട്ടങ്ങളെ കസ്റ്റംസ് തെറ്റായി വ്യാഖ്യാനിച്ചെന്നും മറുപടി സഭയെ അവഹേളിക്കുന്നതാണെന്നും നോട്ടീസിൽ ചൂണ്ടിക്കാട്ടി.

ഡോളർ കേസിൽ സ്വപ്നയുടെ മൊഴിയുടെ അടിസ്ഥാനത്തിൽ ചോദ്യം ചെയ്യാനാണ് സ്പീക്കറുടെ അഡിഷണൽ പ്രൈവറ്റ് സെക്രട്ടറിക്ക് നോട്ടീസയച്ചത്. ഇത് ശരിയായ രീതിയിലല്ലെന്നാണ് നിയമസഭാ സെക്രട്ടറി ചൂണ്ടിക്കാട്ടിയത്. എന്നാൽ, നിയമസഭയ്ക്ക് പ്രത്യേക പരിരക്ഷയില്ലെന്നും കുറ്റകൃത്യങ്ങളുമായി ബന്ധപ്പെട്ട് ചോദ്യംചെയ്യാൻ വിളിക്കുമ്പോൾ സഹകരിക്കണമെന്നും നിയമസഭാ സെക്രട്ടേറിയറ്റിന് കസ്റ്റംസ് വീണ്ടും മറുപടി നൽകി. നിയമസഭയുടെ അവകാശത്തെ ലംഘിക്കുന്ന നടപടിയാണിതെന്ന് സഭാസമിതി വിലയിരുത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DOLLAR CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.