SignIn
Kerala Kaumudi Online
Friday, 14 May 2021 1.25 PM IST

ഇ.ഡിക്കെതിരായ കേസുകൾ റദ്ദാക്കണമെന്ന ഹർജി: 16ന് വിധി

highn-court

കൊച്ചി: സ്വർണക്കടത്തു കേസിൽ മുഖ്യമന്ത്രിയുടെ പേരു പറയാൻ നിർബന്ധിച്ചെന്ന പരാതികളിൽ എൻഫോഴ്‌സ്‌മെന്റ് ഡയറക്ടറേറ്റിന് (ഇ.ഡി) എതിരെ ക്രൈംബ്രാഞ്ച് രജിസ്റ്റർ ചെയ്ത കേസുകൾ റദ്ദാക്കണമെന്നാവശ്യപ്പെട്ട് ഇ.ഡി ഡെപ്യൂട്ടി ഡയറക്ടർ പി. രാധാകൃഷ്‌ണൻ നൽകിയ ഹർജികൾ ഹൈക്കോടതി ഏപ്രിൽ 16 നു വിധി പറയാൻ മാറ്റി.

മുഖ്യമന്ത്രിയുടെ പേരു പറയാൻ നിർബന്ധിച്ചെന്ന സ്വപ്നയുടെ ശബ്ദരേഖ പുറത്ത് വന്നതിനെത്തുടർന്ന് രജിസ്റ്റർ ചെയ്ത കേസിൽ ഇ.ഡി ഉദ്യോഗസ്ഥർക്കെതിരെ കർശന നടപടികൾ പാടില്ലെന്നും, ഇതേ ആരോപണമുന്നയിച്ച് സന്ദീപ് നായർ നൽകിയ പരാതിയിലെടുത്ത കേസിൽ തുടർ നടപടികളൊന്നും പാടില്ലെന്നും സിംഗിൾബെഞ്ച് നേരത്തേ ഇടക്കാല ഉത്തരവുകൾ നൽകിയിരുന്നു. വിധി വരുന്നതുവരെ ഇടക്കാല ഉത്തരവുകൾ തുടരുമെന്ന് ജസ്റ്റിസ് വി.ജി. അരുൺ വ്യക്തമാക്കി. സന്ദീപിന്റെ രഹസ്യമൊഴി രേഖപ്പെടുത്താൻ അനുവദിക്കണമെന്ന ക്രൈംബ്രാഞ്ചിന്റെ ആവശ്യം ഹൈക്കോടതി അനുവദിച്ചില്ല. എറണാകുളം ചീഫ് ജുഡിഷ്യൽ മജിസ്ട്രേട്ട് കോടതി സന്ദീപിന്റെ രഹസ്യമൊഴി രേഖപ്പെടുത്താൻ നേരത്തെ അനുമതി നൽകിയിരുന്നു.

സ്വർണക്കടത്തു കേസിലെ മുഖ്യപ്രതികളിലൊരാളായ സ്വപ്ന സുരേഷ് കോടതിയിൽ നൽകിയ മൊഴിയാണോ ,ശബ്ദരേഖയിൽ പറയുന്ന കാര്യങ്ങളാണോ ശരിയെന്നാണ് ക്രൈംബ്രാഞ്ച് അന്വേഷിക്കുന്നതെന്ന് ഇ.ഡിക്കു വേണ്ടി ഹാജരായ സോളിസിറ്റർ ജനറൽ തുഷാർ മേത്ത വാദിച്ചു. ഒരു ഏജൻസിയുടെ അന്വേഷണത്തിലെ സത്യാവസ്ഥ മറ്റൊരു ഏജൻസി അന്വേഷിക്കുന്നത് ശരിയല്ല. ഇ.ഡിയുടെ അന്വേഷണത്തിൽ അപാകതയുണ്ടെങ്കിൽ ഇതിനെതിരെ കോടതിയെ സമീപിക്കുകയാണ് വേണ്ടതെന്നും സോളിസിറ്റർ ജനറൽ വാദിച്ചു. ഒരേ വിഷയത്തിലാണ് രണ്ടു കേസുകൾ രജിസ്റ്റർ ചെയ്തതെന്നും ഒരേ വീഞ്ഞ് രണ്ടു കുപ്പികളിലാക്കുന്ന വിദ്യയാണിതെന്നും അഡി. സോളിസിറ്റർ ജനറൽ എസ്.വി. രാജു വാദിച്ചു. എഫ്.ഐ.ആറുകളിലെ പലകുറ്റങ്ങളും നിലനിൽക്കില്ലെന്ന് മറ്റൊരു അഡി. സോളിസിറ്റർ ജനറൽ കെ.എം. നടരാജും വ്യക്തമാക്കി.

എന്നാൽ, ക്രൈംബ്രാഞ്ചിന്റെ അന്വേഷണത്തെ ഇ.ഡി തടസപ്പെടുത്തുകയാണെന്നും സന്ദീപിന്റെ രഹസ്യമൊഴി രേഖപ്പെടുത്തിയാൽ ഗൂഢാലോചന പുറത്തു വരുമെന്നും ക്രൈംബ്രാഞ്ചിനു വേണ്ടി ഹാജരായ മുൻ അഡി. സോളിസിറ്റർ ജനറൽ ഹരിൻ പി. റാവൽ വാദിച്ചു. സന്ദീപ് നായർ കോടതിക്ക് എഴുതിയ കത്ത് പരിഗണിച്ച പ്രിൻസിപ്പൽ സെഷൻസ് കോടതി ഇ.ഡിയോടു വിശദീകരണം തേടിയിരുന്നെന്നും വിശദീകരണം ഇന്നലെ നൽകിയെന്നും ഇ.ഡിയുടെ സ്പെഷ്യൽ കൗൺസൽ അഡ്വ. ടി.എ. ഉണ്ണിക്കൃഷ്‌ണൻ വിശദീകരിച്ചു.

 ക്രൈം​ബ്രാ​ഞ്ച് ​വ്യാ​ജ​ ​തെ​ളി​വ് സൃ​ഷ്ടി​ക്കു​ന്നു​വെ​ന്ന് ​ഇ.​ഡി

കൊ​ച്ചി​:​ ​സ്വ​ർ​ണ​ക്ക​ട​ത്തു​ ​കേ​സ് ​പ്ര​തി​ ​സ​ന്ദീ​പ് ​നാ​യ​ർ​ ​എ​ട്ടു​ ​മാ​സം​ ​ജ​യി​ലി​ൽ​ ​കി​ട​ന്ന​ ​ശേ​ഷം​ ​എ​ൻ​ഫോ​ഴ്‌​സ്‌​മെ​ന്റ് ​ഡ​യ​റ​ക്ട​റേ​റ്റ് ​(​ഇ.​ഡി​)​ ​ഉ​ദ്യോ​ഗ​സ്ഥ​ർ​ക്കെ​തി​രെ​ ​പ​രാ​തി​ ​ഉ​ന്ന​യി​ക്കു​ന്ന​ത് ​ഉ​ന്ന​ത​ ​സ്വാ​ധീ​ന​മു​ള്ള​ ​വ്യ​ക്തി​ക​ളു​ടെ​ ​ഉ​പ​ദേ​ശം​ ​മൂ​ല​മാ​ണെ​ന്നും,​ ​ഇ.​ഡി​ക്കെ​തി​രെ​ ​ക്രൈം​ബ്രാ​ഞ്ച് ​സം​ഘം​ ​വ്യാ​ജ​ ​തെ​ളി​വു​ക​ൾ​ ​സൃ​ഷ്ടി​ക്കു​ക​യാ​ണെ​ന്നും​ ​ഇ.​ഡി​ ​ഡെ​പ്യൂ​ട്ടി​ ​ഡ​യ​റ​ക്ട​ർ​ ​പി.​ ​രാ​ധാ​കൃ​ഷ്‌​ണ​ൻ​ ​ഹൈ​ക്കോ​ട​തി​യി​ൽ​ ​മ​റു​പ​ടി​ ​സ​ത്യ​വാ​ങ്മൂ​ലം​ ​ന​ൽ​കി.​ ​ഇ.​ഡി​ക്കെ​തി​രെ​ ​ക്രൈം​ബ്രാ​ഞ്ചെ​ടു​ത്ത​ ​കേ​സു​ക​ൾ​ ​റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് ​രാ​ധാ​കൃ​ഷ്‌​ണ​ൻ​ ​ന​ൽ​കി​യ​ ​ഹ​ർ​ജി​ക​ളി​ലാ​ണി​ത്.

ഇ.​ഡി​ ​പ​റ​യു​ന്ന​ത്
​ ​ഇ.​ഡി​ക്കെ​തി​രെ​ ​കേ​സെ​ടു​ത്ത​ത് ​നി​യ​മ​ന​ട​പ​ടി​ക​ളു​ടെ​ ​ദു​രു​പ​യോ​ഗ​മാ​ണ്.​ ​മു​മ്പെ​ങ്ങു​മി​ല്ലാ​ത്ത​ ​പ്ര​തി​സ​ന്ധി​ക്ക് ​ഇ​തി​ട​യാ​ക്കി.
​ ​ഇ.​ഡി​ക്കെ​തി​രെ​ ​സ​ന്ദീ​പ് ​ന​ൽ​കി​യ​ ​പ​രാ​തി​ ​കോ​ട​തി​യു​ടെ​ ​പ​രി​ഗ​ണ​ന​യി​ലി​രി​ക്കെ​ ,​എ​ഫ്.​ഐ.​ആ​ർ​ ​ര​ജി​സ്റ്റ​ർ​ ​ചെ​യ്ത​ത് ​കോ​ട​തി​യ​ല​ക്ഷ്യ​മാ​ണ്.
​ ​ഇ.​ഡി​ക്കെ​തി​രെ​ ​ര​ജി​സ്റ്റ​ർ​ ​ചെ​യ്ത​ ​കേ​സി​ൽ​ ​സ​ന്ദീ​പി​നെ​ ​ജ​യി​ലി​ൽ​ ​ചോ​ദ്യം​ ​ചെ​യ്യാ​നും​ ​ര​ഹ​സ്യ​മൊ​ഴി​ ​രേ​ഖ​പ്പെ​ടു​ത്താ​നും​ ​കോ​ട​തി​യി​ൽ​ ​നി​ന്ന് ​അ​നു​മ​തി​ ​വാ​ങ്ങി​യ​ത് ​ഇ.​ഡി​ ​ഉ​ദ്യോ​ഗ​സ്ഥ​ർ​ ​അ​റി​യാ​തെ​യാ​ണ്.
​ ​ജ​യി​ലി​ൽ​ ​മൊ​ഴി​ ​രേ​ഖ​പ്പെ​ടു​ത്തി​യ​തി​ന്റെ​ ​തു​ട​ർ​ച്ച​യാ​യാ​ണ് ​ര​ഹ​സ്യ​മൊ​ഴി​ ​രേ​ഖ​പ്പെ​ടു​ത്താ​ൻ​ ​ഒ​രു​ങ്ങു​ന്ന​ത്.​ ​പ​റ​ഞ്ഞു​ ​പ​ഠി​പ്പി​ച്ച​തു​ ​ര​ഹ​സ്യ​മൊ​ഴി​യാ​യി​ ​രേ​ഖ​പ്പെ​ടു​ത്താ​നു​ള്ള​ ​നീ​ക്ക​മാ​ണ് ​ക്രൈം​ബ്രാ​ഞ്ചി​ന്റേ​ത്.
​ ​ര​ഹ​സ്യ​മൊ​ഴി​ ​രേ​ഖ​പ്പെ​ടു​ത്താ​ൻ​ ​അ​നു​മ​തി​ ​ന​ൽ​കി​യ​ ​കോ​ട​തി​ ​ന​ട​പ​ടി​ ​നി​യ​മ​പ​ര​മാ​യി​ ​നി​ല​നി​ൽ​ക്കി​ല്ല.
​ ​കേ​സെ​ടു​ത്ത​തി​നെ​തി​രെ​ ​ഹൈ​ക്കോ​ട​തി​യി​ൽ​ ​ഹ​ർ​ജി​ക​ൾ​ ​നി​ല​വി​ലു​ണ്ടെ​ന്ന​ ​വി​വ​രം​ ​മ​റ​ച്ചു​ ​വ​ച്ചാ​ണ് ​ക്രൈം​ബ്രാ​ഞ്ച് ​ര​ഹ​സ്യ​മൊ​ഴി​യെ​ടു​ക്കാ​ൻ​ ​അ​നു​മ​തി​ ​തേ​ടി​യ​ത്.
.​​ ​ക​ള്ള​പ്പ​ണം​ ​വെ​ളു​പ്പി​ക്ക​ൽ​ ​ത​ട​യ​ൽ​ ​നി​യ​മ​പ്ര​കാ​രം​ ​ഇ.​ഡി​ ​കോ​ട​തി​യി​ൽ​ ​ന​ൽ​കി​യ​ ​തെ​ളി​വു​ക​ളെ​ ​ദു​ർ​ബ​ല​മാ​ക്കാ​നാ​ണ് ​ക്രൈം​ബ്രാ​ഞ്ച് ​ശ്ര​മം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: HIGHCOURT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.