SignIn
Kerala Kaumudi Online
Friday, 14 May 2021 12.07 PM IST

ബം​ഗാളിലെ കൂച്ച് ബെഹാറിൽ പ്രദേശവാസികൾ ജവാൻമാരെ ആക്രമിച്ചത് തെറ്റിദ്ധാരണമൂലം: തിരഞ്ഞെടുപ്പ് കമ്മിഷൻ

mamta-banerjee

ന്യൂഡൽഹി: ബംഗാളിലെ കൂച്ച് ബെഹാർ ജില്ലയിലെ പോളിംഗ് സ്‌റ്റേഷനിൽ കേന്ദ്ര സേനയുടെ വെടിയേറ്റ് നാലുപേർ കൊല്ലപ്പെട്ട സംഭവത്തിൽ വിശദീകരണവുമായി തിരഞ്ഞെടുപ്പ് കമ്മിഷൻ. പ്രദേശവാസികൾ സൈനികരെ ആക്രമിച്ചത് തെറ്റിദ്ധാരണ മൂലമാണെന്ന് തിരഞ്ഞെടുപ്പ് കമ്മിഷൻ പറഞ്ഞു.

സിതൽകുചി മണ്ഡലത്തിലെ 126ാം നമ്പർ ബൂത്തിൽ വോട്ടിംഗ് പ്രക്രിയ സുഗമമായി നടന്നുകൊണ്ടിരിക്കുകയായിരുന്നുവെന്ന് തിരഞ്ഞെടുപ്പ് കമ്മീഷൻ പറയുന്നു. മണിക് എന്ന ആൺകുട്ടിക്ക് അസുഖം വന്നു. രണ്ടോ മൂന്ന് പ്രദേശവാസികളായ സ്ത്രീകൾ അവനെ ശുശ്രൂഷിക്കുകയായിരുന്നു. ഇത് കണ്ട ഒരു സി.ആർ.പി.എഫ് ജവാൻ കുട്ടിയുടെ ആരോഗ്യനിലയെപ്പറ്റി അന്വേഷിച്ചു. കുട്ടിയെ പൊലീസ് ജീപ്പിൽ ആശുപത്രിയിൽ എത്തിക്കണമോ എന്നും തിരക്കി.

എന്നാൽ ചില പ്രദേശവാസികൾ കരുതിയത് ആൺകുട്ടിയെ ജവാന്മാർ തല്ലിയെന്നാണ്. ഇതോടെ പെട്ടെന്ന് 300-350 പേർ ഒത്തുകൂടുകയും വീട്ടുപകരണങ്ങൾ ഉപയോഗിച്ച് ജവാന്മാരെ ആക്രമിക്കുകയായിരുന്നു. പിന്നാലെ ജനം പോളിംഗ് ഉദ്യോഗസ്ഥരെയും ആക്രമിക്കാൻ ശ്രമിച്ചു. ഇതോടെ ജവാൻ സഹായത്തിനായി ദ്രുത പ്രതികരണ സംഘത്തെ വിളിക്കുകയായിരുന്നു.

വെടിവയ്പ്പിൽ നാലു പേർമരിച്ചതു കൂടാതെ ചിലർക്ക് പരിക്ക് പറ്റിയിട്ടുണ്ടെന്നും തിരഞ്ഞെടുപ്പ് കമ്മിഷൻ വ്യക്തമാക്കി. മൃതശരീരങ്ങൾ പോസ്‌മോർട്ടത്തിനായി മാതാബൻഗയിലെ എസ്.ഡി ആശുപത്രിയിലേക്ക് മാറ്റി. സി.ആർ.പി.എഫ് ലോക്കൽ പൊലീസ് സ്റ്റേഷനിൽ എഫ്.ഐ.ആർ രജിസ്റ്റർ ചെയ്തിട്ടുണ്ട്. സംഭവത്തിൽ അന്വേഷണം നടന്നു വരികയാണ്. സ്ഥിതിഗതികൾ നിയന്ത്രണ വിധേയമാണെന്നും സംഭവ സ്ഥലത്ത് കേന്ദ്ര സേനയ്‌ക്കൊപ്പം ലോക്കൽ പൊലീസിനെയും വിന്യസിച്ചിട്ടുണ്ടെന്നും ഇലക്ഷൻ കമ്മിഷൻ കൂട്ടിച്ചേർത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, ELECTION COMMISSION, COOCH BEHAR VIOLENCE, COOCH BEHAR, ELECTION, MAMTHA BANARJEE, MAMTHA, MAMTA BANERJEE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.