SignIn
Kerala Kaumudi Online
Friday, 29 March 2024 7.54 AM IST

മോഹൻ സിതാര സംവിധായകനാകുന്നു

mohan

തൃശൂർ: സംഗീത സംവിധായകൻ മോഹൻ സിതാര സംവിധായകനാകുന്നു. മ്യൂസിക്കൽ ലൗ സ്​റ്റോറി ഇതിവൃത്തമാക്കി ‘ഐ ആം സോറി ’എന്ന സിനിമയാണ്​ സംവിധാനം ചെയ്യുന്നത്​. 20 വർഷമായുള്ള മോഹമാണ്​ ഇതോടെ പൂവണിയുന്നതെന്ന്​ മോഹൻ സിതാര വാർത്താ സമ്മേളനത്തിൽ അറിയിച്ചു.

സംവിധാനം മാത്രമല്ല കഥയും തിരക്കഥയും സംഭാഷണവുമൊക്കെ മോഹൻ സിതാരയാണ്​. സിനിമയുടെ ചിത്രീകരണം ആഗസ്​റ്റിൽ തുടങ്ങും. പുതുമുഖങ്ങളായ അഭിന സേവ്യർ, ഓം പ്രേം എന്നിവരാണ്​ നായികാ നായകൻമാർ. പഴയകാല നടി ചാർമിളയുടെ നീണ്ട ഇടവേളക്ക്​ ശേഷമുള്ള തിരിച്ചുവരവും ചിത്രത്തിലുണ്ടാകും. മോ ഇന്റർനാഷണൽ എന്റർടെയ്​ൻമെൻ്റ്സിൻ്റെ ബാനറിൽ മോഹൻ സിതാര, ബിനോയ്​ ഇടത്തിനടത്ത്​, കെ. സിന്ധു, എം.ബി മുരുകൻ എന്നിവരാണ്​ ചിത്രം നിർമ്മിച്ചിട്ടുള്ളത്​. മലയാളം, തമിഴ്​, ഇംഗ്ലീഷ്​ ഭാഷകളിലുള്ള ഗാനങ്ങൾ അടക്കം ഏഴ്​ പാട്ടുകളുണ്ട്​ സിനിമയിൽ.

പുതുമുഖ ഗായകരാണ്​ പാടിയിട്ടുള്ളത്​. മോഹൻ സിതാരയുടെ മകൻ വിഷ്​ണുവാണ്​ സംഗീത സംവിധാനവും പശ്​ചാത്തല സംഗീതവും. ഛായാഗ്രാഹണം: രജിത് ടി. നന്ദനം. വേൾഡ്​ വൈഡ്​ റിലീസാണ്​ ഉദ്ദേശിക്കുന്നത്​. വ്യവസായികളായ ഐ.ബി രവീന്ദ്രൻ, സാനു എന്നിവർ ഇതിന്​ സഹായം ചെയ്​തുതരാമെന്ന്​ സമ്മതിച്ചതായി മോഹൻ സിതാര പറഞ്ഞു. വാർത്താ സമ്മേളത്തിൽ ബിനോയ്​ ഇടത്തിനടത്ത്, ടി.പി രവി, എം.ബി മുരുകൻ തുടങ്ങിയവരും പ​ങ്കെടുത്തു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, THRISSUR, MOHAN SITHARA
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.