ദുബായ് : ഇന്ത്യയിൽ നിന്ന് ദുബായിലേക്ക് വരുന്ന വിമാന യാത്രക്കാർ 48 മണിക്കൂറിനുള്ളിൽ നടത്തിയ കോവിഡ് നെഗറ്റീവ് പരിശോധന ഫലം ഹാജരാക്കണമെന്ന് വിവിധ എയർലൈനുകൾ അറിയിച്ചു. ഏപ്രിൽ 22 മുതലാണ് ഇത് പ്രാബല്യത്തിൽ വരുന്നത്. നേരത്തെ 72 മണിക്കൂറിനുള്ളിൽ നടത്തിയ പരിശോധന ഫലമായിരുന്നു വേണ്ടിയിരുന്നത്. പരിശോധനക്കായി സാമ്പിൾ എടുത്തത് മുതലുള്ള 48 മണിക്കൂറാണ് കണക്കാക്കുന്നത്. ഫലം വന്ന ശേഷമുള്ള 48 മണിക്കൂറല്ലായെന്നും അധികൃതർ വ്യക്തമാക്കുന്നു. ടെസ്റ്റ് ചെയ്ത സമയം റിപ്പോർട്ടിൽ കൃത്യമായി രേഖപ്പെടുത്തിയിരിക്കണം. പരിശോധന ഫലം ഇംഗ്ലീഷിലോ അറബിയിലോ രേഖപ്പെടുത്തിയിരിക്കണം. ഒറിജിനൽ റിപ്പോർട്ടിലേക്ക് ലിങ്കുള്ള ക്യൂ ആർ കോഡ് റിപ്പോർട്ടിലുണ്ടായിരിക്കണമെന്ന് എയർ ഇന്ത്യ എക്സ്പ്രസ് അധികൃതർ അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |