SignIn
Kerala Kaumudi Online
Saturday, 08 May 2021 11.52 PM IST

ബോറടിച്ചപ്പോൾ എ ടി എമ്മിൽ കയറി ബട്ടണമർത്തി; കൈയിലേക്ക് വന്ന തുക കണ്ട കുട്ടി ഞെട്ടി, ഇപ്പോൾ നാടാകെ താരം

atm

മാഞ്ചസ്‌റ്റർ: യു കെയിലെ അസ്​ഡ ഷോപ്പിംഗ് കോംപ്ലക്‌സിൽ ബോറടിച്ചിരിക്കുകയായിരുന്ന ജാക്ക്​ ഗ്രീൻഹാഗ്​ ​എന്ന സ്​കൂൾ വിദ്യാർത്ഥിയുടെ വികൃതി ആ കൊച്ചുമിടുക്കനെ ഇപ്പോൾ പ്രശസ്‌തനാക്കിയിരിക്കുകയാണ്. ഷോപ്പിംഗ്​ കോംപ്ലക്‌സിൽ കൂട്ടുകാരനെ കാത്തിരുന്ന്​ ബോറടിച്ച ജാക്ക്​ അടുത്തുളള ചെന്നുകയറിയത് അടുത്തുളള എ ടി എമ്മിലേക്കാണ്.

എ ടി എമ്മിലെ ബട്ടണുകൾ വെറുതെ അമർത്തി കളിച്ച ജാക്ക്​ പെട്ടെന്ന് ഞെട്ടി. എ ടി എമ്മിന്റെ വലിപ്പിൽ നിന്ന്​ 400 പൗണ്ട്​ അതാ പുറത്തേക്ക്​ വരുന്നു. ഉടനെ എ ടി എമ്മിന്റെ പുറത്തെത്തിയ ജാക്ക്​ സുരക്ഷ ജീവനക്കാരനെയും തൂപ്പുകാരനെയും വിവരമറിയിച്ചു. അതിന്​ തൊട്ടു മുമ്പ്​ എ ടി എമ്മിൽ കാശില്ലെന്ന്​ പരിതപിച്ച്​ പോയ ആളെ കുറിച്ച്​ സുരക്ഷജീവനക്കാരൻ ഓർത്തു. അതോടെ പണം അയാളെ തൊട്ടടുത്ത് നിന്നു തന്നെ കണ്ടുപിടിച്ച് ഏൽപ്പിക്കുകയായിരുന്നു.

atm-

കുട്ടിയുടെ വിവേകവും സത്യസന്ധതയും ഇപ്പോൾ യു കെയിലാകെ വലിയ വാർത്തയായി മാറിയിരിക്കുകയാണ്. ഷോപ്പിംഗ്​ കോംപ്ലക്‌സ് അധികൃതർ അവനൊരു ഗിഫ്റ്റ് കാർഡ് ഇതിനോടകം നൽകി. പ്രാദേശിക പത്രങ്ങൾ നിറയെ അവനെ കുറിച്ചുളള വാർത്തകളും വന്നു. വാർത്ത കണ്ട ലിൻഡ്‌സെ ഡോസൺ എന്നയാൾ ജാക്കിനെ ആദരിക്കാൻ ഒരു ഫേസ്ബുക്ക് പേജ് വഴി ധനസമാഹാരണവും ആരംഭിച്ചിരിക്കുകയാണ്.

'എനിക്ക് ശരിക്കും അഭിമാനം തോന്നി. എനിക്ക് അവനെയോ കുടുംബത്തെയോ അറിയില്ല. പക്ഷേ എല്ലാ ക്രെഡിറ്റും അവന്റെ കുടുംബത്തിനാണ്​. വേറെ വല്ലവരും ആയിരുന്നെങ്കിൽ ആ പണവും അപഹരിച്ച്​ പോയേനെ'- ലിൻഡ്‌സെ ഡോസൺ പറഞ്ഞു. ഇതുവരെ പേജ്​ ജാക്കിന് നൽകാനായി 50 പൗണ്ടോളം സമാഹരിച്ച് കഴിഞ്ഞിട്ടുണ്ട്.

ലഭിക്കുന്ന പണം കൊണ്ട്​ പുതിയ കളിപ്പാട്ടങ്ങൾ വാങ്ങാനാണ്​ ജാക്കിന്റെ പദ്ധതി. പുസ്‌തകങ്ങൾ, ഫുട്​ബാൾ, ശീതളപാനീയം, മിഠായി, ലോക്​ഡൗണിൽ തന്നെ സഹായിച്ച മുത്തച്ഛനായി ചോക്ലേറ്റ്​ എന്നിവയാണ്​ ഷോപിംഗ്​ കോംപ്ലക്‌സിൽ നിന്നു ലഭിച്ച ഗിഫ്റ്റ് കാർഡ് വഴി ജാക്ക് വാങ്ങിക്കൂട്ടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KIDS, KIDS CORNER, STUDENT IN ATM, JACK ATM, CASH IN ATM
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.