പാലക്കാട്: രേഖകളില്ലാതെ ചെന്നൈ-മംഗലാപുരം ട്രെയിനിൽ കടത്തിയ 36,50,000 രൂപയുമായി തിരൂർ സ്വദേശി പരീക്കുട്ടിയെ (69) റെയിൽവേ പൊലീസ് പിടികൂടി. ശനിയാഴ്ച പുലർച്ചെ 4.30ന് പാലക്കാട് ജംഗ്ഷനിലെത്തിയ ട്രെയിനിലെ എസ്-എട്ട് കമ്പാർട്ടുമെന്റിലാണ് ഇയാൾ യാത്ര ചെയ്തിരുന്നത്.
രണ്ടായിരത്തിന്റെയും അഞ്ഞൂറിന്റെയും നോട്ടുകൾ കടലാസിൽ പൊതിഞ്ഞ് ബാഗിൽ സൂക്ഷിച്ച നിലയിലായിരുന്നു. എസ്.ഐ.മാരായ എ.രമേഷ് കുമാർ, എം.സുനിൽ, എ.എസ്.ഐ ജോസ് സോളമൻ, എസ്.സി.പി.ഒ.മാരായ ഷംസീറലി, കെ.സതീശൻ, ഹരിദാസ്, കെ.വി.ബിജു, സി.പി.ഒ.മാരായ എം.അജീഷ് ബാബു, ഷെയ്ക് മുസ്തഫ എന്നിവരടങ്ങിയ സംഘമാണ് പരിശോധന നടത്തിയത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |