SignIn
Kerala Kaumudi Online
Monday, 10 May 2021 5.01 AM IST

'യെച്ചൂരിയുടെ മകൻ ചൈനീസ് വൈറസ് ബാധിച്ച് മരിച്ചു'; മരണത്തിലും പരിഹാസം? ഈ നിലവാരത്തിലേക്ക് പോകാൻ പ്രത്യേക വിഭാഗത്തിലെ ആൾക്കാർക്ക് മാത്രമേ സാധിക്കൂവെന്ന് ഒമർ അബ്‌ദുള്ള

ashish-yechury

സിപിഎം ജനറൽ സെക്രട്ടറി സീതാറാം യെച്ചൂരിയുടെ മകൻ ആശിഷ് യെച്ചൂരി കൊവിഡ് ബാധിച്ച് മരിച്ച സംഭവത്തിൽ പരിഹാസത്തോടെ പ്രതികരിച്ച് ബിഹാറിലെ ബിജെപി ഉപാദ്ധ്യക്ഷനും മുൻ എംഎൽഎയുമായ മിഥിലേഷ് കുമാർ തിവാരി. ചൈനയെ പിന്തുണയ്ക്കുന്ന യെച്ചൂരിയുടെ മകന്‍ ആശിഷ് ചൈനീസ് വൈറസ് ബാധിച്ച് മരിച്ചു എന്നായിരുന്നു മരണത്തെ പോലും പരിഹസിച്ചുകൊണ്ട് തന്റെ ട്വിറ്റർ അക്കൗണ്ട് വഴി തിവാരി കുറിച്ചത്. എന്നാൽ ഇത് വൻ വിവാദം ക്ഷണിച്ചുവരുത്തിയതോടെ ഇദ്ദേഹം തന്റെ ട്വീറ്റ് ഡിലീറ്റ് ചെയ്തിട്ടുണ്ട്.

ബിജെപി നേതാവിന്റെ ഈ തരംതാണ ട്വീറ്റിനെതിരെ ജമ്മുകശ്മീര്‍ മുൻ മുഖ്യമന്ത്രി ഒമർ അബ്ദുള്ള, നടി സ്വര ഭാസ്‌കര്‍ തുടങ്ങിയവര്‍ വിമർശനവുമായി രംഗത്ത് വന്നിരുന്നു. ഒരു വ്യക്തിയുടെ മകന്റെ മരണത്തില്‍ സന്തോഷിക്കാന്‍ ഒരു പ്രത്യേക വിഭാഗം ആളുകൾക്കാണ് കഴിയുകയെന്നും പാമ്പിന് പോലും താഴെ പോകാന്‍ കഴിയാത്ത വിധം താഴ്ന്ന നിലവാരത്തില്‍ സഞ്ചരിക്കാന്‍ ബിജെപിയിലുള്ള ഒരാള്‍ക്കേ സാധിക്കൂയെ എന്നുമാണ് ഒമർ അബ്‌ദുള്ള സംഭവത്തെ കുറിച്ച് പ്രതികരിച്ചത്.

tweet

എന്നാൽ തന്റെ ട്വിറ്റർ അക്കൗണ്ട് ഹാക്ക് ചെയ്യപ്പെട്ടുവെന്നും മരണത്തെ പരിഹസിക്കുന്ന ട്വീറ്റ് ശ്രദ്ധയിൽപ്പെട്ടപ്പോൾ തന്നെ അത് ഡിലീറ്റ് ചെയ്തുവെന്നുമാണ് തിവാരി ട്വിറ്റർവഴി തന്നെ അറിയിച്ചിരിക്കുന്നത്. ഒരാളുടെ മരണത്തിനിടെ തരംതാണ രാഷ്ട്രീയം നിന്ദ്യമാണെന്നും ബിജെപി നേതാവ് പറയുന്നുണ്ട്. കൊവിഡ് ബാധിച്ച് ഇന്ന് രാവിലെയാണ് ആശിഷ് യെച്ചൂരി മരിച്ചത്. 33 വയസായിരുന്നു. ടൈംസ് ഓഫ് ഇന്ത്യ, ന്യൂസ് 18 എന്നീ മാദ്ധ്യമസ്ഥാപനങ്ങളിൽ ജേർണലിസ്റ്റായി ജോലി ചെയ്തിരുന്നു ആശിഷ്.

content highlight: bjp leader nithilesh kumar tiwari ridicules sitharam yechurys sons death due to covid.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, ASHISH YECHURY, KERALA, INDIA, BJP, MITHILESH KUMAR TIWARI, BIHAR, TWITTER
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.