കോട്ടയം: മാതാവ് ജോലിക്കുപോയ സമയത്ത് 16കാരിയുടെ വീട്ടിൽ കാമുകൻ എത്തി. പതിവിന് വിപരീതമായി അമ്മ ജോലിയും കഴിഞ്ഞ് നേരത്തെ വീട്ടിലെത്തി. ഇതോടെ കാമുകന് പുറത്തിറങ്ങാൻ കഴിഞ്ഞില്ല. രാത്രിയോടെ അമ്മ മകളുടെ മുറിയിൽ എത്തിയപ്പോൾ കട്ടിലിനടിയിൽ ഞരക്കം. ഇതുകേട്ട് ടോർച്ച് അടിച്ചുനോക്കിയപ്പോൾ ഒരു യുവാവ് കിടക്കുന്നു. കള്ളനാണെന്ന് കരുതിയ മാതാവ് അലറിവിളിച്ചു.
അയൽവാസികൾ എത്തിയപ്പോഴാണ് കള്ളനല്ലെന്ന് മനസിലായത്. തുടർന്ന് വൈക്കം പൊലീസിനെ വിളിച്ചുവരുത്തി അമ്മതന്നെ മകളുടെ 21 കാരനായ കാമുകനെ കൈമാറി. ബുധനാഴ്ച രാത്രി എട്ടുമണിയോടെ വൈക്കത്താണ് സംഭവം. പോക്സോ വകുപ്പുപ്രകാരം പൊലീസ് കേസ് എടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |