SignIn
Kerala Kaumudi Online
Monday, 26 July 2021 9.19 PM IST

ദന്തഡോക്ടറെ കൊലപ്പെടുത്തിയ കേസിലെ പ്രതിയുടെ മരണം ജാമ്യം തള്ളിയതോടെ

mahesh

തൃശൂർ: ദന്തഡോക്ടറായിരുന്ന ഡോ. സോനയെ കുത്തിക്കൊലപ്പെടുത്തിയ കേസിലെ പ്രതി പാവറട്ടി മനപ്പടി വെളുത്തേടത്ത് മഹേഷ് (41) ജീവനൊടുക്കിയത് ജാമ്യം തള്ളി പിടിയിലാകുമെന്ന് ഉറപ്പായതോടെ.

കേസിൽ അറസ്റ്റിലായ മഹേഷിന് ഹൈക്കോടതി അനുവദിച്ച ജാമ്യം സുപ്രീംകോടതി റദ്ദാക്കിയിരുന്നു. തുടർന്ന് ഒളിവിൽ പോയ ഇയാൾ രണ്ടു ദിവസമായി ചോറ്റാനിക്കരയിലെ ലോഡ്ജിൽ താമസിച്ചു വരികയായിരുന്നു. വ്യാഴാഴ്ചയാണ് മഹേഷിനെ ലോഡ്ജ് മുറിയിലെ ഫാനിൽ തൂങ്ങിമരിച്ച നിലയിൽ കണ്ടത്. പാവറട്ടിയിലെ വീട്ടിൽ അടുത്തകാലത്തൊന്നും മഹേഷ് എത്തിയിട്ടില്ല. മഹേഷ് കൊവിഡ് ബാധിതനാണെന്ന് ഒല്ലൂർ പൊലീസ് പറഞ്ഞു.

സുഹൃത്തും ബിസിനസ് പങ്കാളിയുമായിരുന്ന കൂത്താട്ടുകുളം വലിയകുളങ്ങര വീട്ടിൽ ഡോ. സോനയെ കഴിഞ്ഞ വർഷം സെപ്തംബർ 29ന് തൃശൂർ കുട്ടനെല്ലൂരിലെ ഡെന്റൽ ക്‌ളിനിക്കിൽ വച്ചുണ്ടായ വാക്കുതർക്കത്തിനിടെയാണ് മഹേഷ് കുത്തിയത്. ഒളിവിൽ പോയ മഹേഷ് ഒരാഴ്ചയ്ക്കു ശേഷം പിടിയിലായി. പരിക്കേറ്റ് ചികിത്സയിലായിരുന്ന സോന ഒക്ടോബർ നാലിന് മരിച്ചു. വാങ്ങിയിരുന്ന പണം തിരികെ ചോദിച്ചതും പൊലീസിൽ പരാതി നൽകിയതുമാണ് സോനയെ കൊലപ്പെടുത്താൻ മഹേഷിനെ പ്രേരിപ്പിച്ചതെന്നാണ് നിഗമനം.

ഭർത്താവുമായി പിരിഞ്ഞ ഡോ. സോന, അവിവാഹിതനായ മഹേഷുമായി രണ്ട് വർഷമായി ഒരുമിച്ച് താമസിക്കുകയായിരുന്നു. ഇരുവരും തമ്മിൽ ലക്ഷങ്ങളുടെ സാമ്പത്തിക ഇടപാട് നടന്നിരുന്നു. അതേസമയം, മാസങ്ങളായി സോനയെ മഹേഷ് പീഡിപ്പിച്ച് തടങ്കലിൽ വച്ചിരിക്കുകയായിരുന്നുവെന്ന് ബന്ധുക്കൾ സിറ്റി പൊലീസ് കമ്മിഷണർക്ക് നൽകിയ പരാതിയിൽ ആരോപിച്ചിരുന്നു. മാതാപിതാക്കളുമായി സംസാരിക്കാൻ അനുവദിച്ചിരുന്നില്ല. സോനയുടെ ബിരുദ സർട്ടിഫിക്കറ്റുകൾ ഉൾപ്പെടെയുള്ളവ ഇയാൾ കൈവശപ്പെടുത്തി. കൊല്ലപ്പെടുന്നതിന് കുറച്ചു ദിവസം മുമ്പാണ് സോന വീട്ടിലെത്തി കാര്യങ്ങൾ പറഞ്ഞതും വിഷയത്തിൽ ബന്ധുക്കൾ ഇടപെട്ടതും.

അങ്കമാലി സ്വദേശിയായ ഭർത്താവുമായി പിരിഞ്ഞതിനു ശേഷം സോന വിദേശത്ത് ഉൾപ്പെടെ ജോലി ചെയ്‌തെങ്കിലും, ഇതിനിടെ മഹേഷ് സൗഹൃദം സ്ഥാപിച്ചിരുന്നു. മഹേഷിന്റെ പ്രേരണയിലാണ് കുട്ടനല്ലൂരിൽ ക്ലിനിക്ക് ആരംഭിച്ചത്. ക്ളിനിക്കിന് സ്ഥലം കണ്ടുപിടിച്ചതും സഹായങ്ങൾ നൽകിയതും മഹേഷായിരുന്നു.

മ​ഹേ​ഷി​ന്റെ​ ​പോ​സ്റ്റ്മോ​ർ​ട്ടം​ ​ഇ​ന്ന്

ചോ​റ്റാ​നി​ക്ക​ര​യി​ലെ​ ​ലോ​ഡ്ജി​ൽ​ ​തൂ​ങ്ങി​ ​മ​രി​ച്ച​ ​നി​ല​യി​ൽ​ ​ക​ണ്ട​ ​തൃ​ശൂ​ർ​ ​പാ​വ​റ​ട്ടി​ ​മ​ണ​പ്പാ​ട്ട് ​വെ​ളു​ത്തേ​ട​ത്ത് ​വീ​ട്ടി​ൽ​ ​മ​ഹേ​ഷി​ന്റെ​ ​(​ 41​)​ ​മൃ​ത​ദേ​ഹം​ ​ഇ​ന്ന് ​പോ​സ്റ്റ്മോ​ർ​ട്ടം​ ​ചെ​യ്യും.​ ​കൊ​വി​ഡ് ​പ​രി​ശോ​ധ​നാ​ഫ​ലം​ ​വൈ​കി​യ​തി​നാ​ലാ​ണ് ​പോ​സ്റ്റ്മോ​ർ​ട്ടം​ ​വൈ​കി​യ​ത്.

ക​ഴി​ഞ്ഞ​ 20​നാ​ണ് ​ഇ​യാ​ൾ​ ​ചോ​റ്റാ​നി​ക്ക​ര​യി​ലെ​ ​ലോ​ഡ്ജി​ൽ​ ​മു​റി​യെ​ടു​ത്ത​ത്.​ ​പു​റ​ത്തി​​​റ​ങ്ങാ​ത്ത​തി​​​നെ​ ​തു​ട​ർ​ന്ന് ​വ്യാ​ഴാ​ഴ്ച​ ​ലോ​ഡ്ജ് ​ജീ​വ​ന​ക്കാ​ർ​ ​അ​റി​​​യി​​​ച്ച​ത​നു​സ​രി​ച്ച് ​പൊ​ലീ​സ് ​മു​റി​​​ ​തു​റ​ന്ന​പ്പോ​ഴാ​ണ് ​മൃ​ത​ദേ​ഹം​ ​ക​ണ്ട​ത്.​ ​മൃ​ത​ദേ​ഹം​ ​ഇ​ന്ന് ​ബ​ന്ധു​ക്ക​ൾ​ക്ക് ​വി​ട്ടു​ന​ൽ​കും.​ ​ചോ​റ്റാ​നി​ക്ക​ര​ ​പൊ​ലീ​സാ​ണ് ​കേ​സ് ​അ​ന്വേേ​ഷി​ക്കു​ന്ന​ത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CRIME
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.