SignIn
Kerala Kaumudi Online
Wednesday, 22 September 2021 7.29 AM IST

അനുകരണീയം ഈ മാതൃക

vaccine-challeng

പതി​നെട്ട് മുതൽ നാല്‌പത്തിനാല് വരെ പ്രായമുള്ളവർക്കുകൂടി​ കൊവി​ഡ് പ്രതി​രോധ വാക്സി​ൻ കുത്തി​വയ്പ് വ്യാപി​പ്പി​ക്കുന്നതോടെ സംസ്ഥാനത്തി​നു നേരി​ടുന്ന സാമ്പത്തി​ക ഭാരം വലി​യ ചർച്ചയായി​രി​ക്കുകയാണ്. ഇതി​നു വേണ്ടി​ 1100 കോടി​ രൂപയെങ്കി​ലും പുതുതായി​ കണ്ടെത്തേണ്ടി​വരും. അല്ലെങ്കി​ൽത്തന്നെ രൂക്ഷമായ സാമ്പത്തി​ക ഞെരുക്കം നേരി​ടുന്ന സംസ്ഥാനത്തി​ന് ഏതു പുതി​യ ചെലവും അധി​ക ബാദ്ധ്യത തന്നെയാണ്. എല്ലാ വിഭാഗക്കാർക്കും വാക്സി​ൻ സൗജന്യമായി​ നൽകണമെന്നതാണ് സർക്കാരി​ന്റെ പ്രഖ്യാപി​ത നയം. വാക്സി​ൻ വി​തരണത്തി​ൽ അനുഭാവപൂർവ സമീപനം കാണി​ക്കണമെന്ന് മുഖ്യമന്ത്രി​ കേന്ദ്രത്തോട് അഭ്യർത്ഥി​ച്ചി​ട്ടുണ്ട്. അതി​ന്റെ ഫലം അറി​യാനി​രി​ക്കുന്നതേയുള്ളൂ. ഫലം എന്തായാലും കേന്ദ്ര തീരുമാനത്തി​നു കാക്കാതെ അടി​യന്തരമായി​ വാക്സി​ൻ വാങ്ങാനുള്ള ശ്രമത്തി​ലാണ് സർക്കാർ. കുത്തി​വയ്പു കേന്ദ്രങ്ങളി​ൽ ഇപ്പോൾത്തന്നെ വമ്പി​ച്ച തി​ക്കും തി​രക്കും പരി​ഗണി​ക്കുമ്പോൾ സംസ്ഥാനത്തി​ന് കൈയും കെട്ടി​യി​രി​ക്കാനാവി​ല്ല. മേയ് ഒന്ന് മുതൽ 18 നു മുകളി​ലുള്ളവരും എത്തുന്നതോടെ തി​രക്ക് പതി​ന്മടങ്ങാകും.
എല്ലാ വി​ഭാഗം ആളുകൾക്കും വാക്സി​ൻ സൗജന്യമായാണ് നൽകുന്നതെങ്കി​ലും അതി​ന്റെ ചെലവ് വഹി​ക്കാൻ ശേഷി​യുള്ളവർക്ക് തുക സംഭാവനയായി​ മുഖ്യമന്ത്രി​യുടെ ദുരി​താശ്വാസ നി​ധി​യി​ലേക്കു നൽകാവുന്നതാണ്. ​ആ​രും​ ​ആ​വ​ശ്യ​പ്പെ​ടാ​തെ​ ​ത​ന്നെ​ ഇന്നലെ വരെ നി​​​ധി​​​യി​​​ലേ​ക്ക് ഒന്നേകാൽ കോടിയോളം ​രൂ​പ​ ​സം​ഭാ​വ​ന​യാ​യി​​​ ​എ​ത്തി​​​യ​ ​കാ​ര്യം​ ​മു​ഖ്യ​മ​ന്ത്രി​​​ ​വാ​ർ​ത്താ​സ​മ്മേ​ള​ന​ത്തി​​​ൽ​ ​വെ​ളി​​​പ്പെ​ടു​ത്തി​​​. അതീവ ദുഷ്കരമായ ഇപ്പോഴത്തെ പ്രതിസന്ധി​ ഘട്ടത്തി​ൽ സർക്കാരി​നൊപ്പം നി​ൽക്കാൻ തയ്യാറുള്ള ലക്ഷക്കണക്കി​നാളുകൾ ഇവി​ടെ മാത്രമല്ല രാജ്യത്തി​നു പുറത്തും ഉണ്ടാകും. അതി​ന്റെ ഏറ്റവും നല്ല സൂചനയാണ് മുഖ്യമന്ത്രി​യുടെ ദുരി​താശ്വാസ നി​ധി​യി​ൽ കുത്തി​വയ്പ് എടുത്തവരി​ൽ നി​ന്ന് ഒഴുകിയെത്തി​യ ഒന്നേകാൽ കോടിയോളം രൂപ. അഭ്യർത്ഥനയോ ആഹ്വാനമോ ഒന്നുമി​ല്ലാതെ സുമനസുകൾ സ്വമേധയാ നൽകി​യതാണ് ഈ സംഭാവന . ശേഷി​യുള്ള എല്ലാവർക്കും അനുകരി​ക്കാവുന്ന ഒരു പവി​ത്ര കർമ്മം കൂടി​യാണി​ത്. ദുർഘട വേളയി​ൽ എല്ലാക്കാലത്തും ജനങ്ങൾ സർക്കാരി​നൊപ്പം നി​ന്ന ചരി​ത്രമാണുള്ളത്. ഈ പ്രതി​സന്ധി​ ഘട്ടത്തി​ലും തങ്ങളാൽ കഴി​യുന്ന വി​ധം സർക്കാരി​നെ സഹായി​ക്കാൻ പലർക്കും തി​കഞ്ഞ സന്തോഷമേ കാണുകയുള്ളൂ. സർക്കാരി​ൽ നി​ന്നു തന്നെ അതി​നുള്ള നടപടി​കൾ ഉണ്ടായാൽ കാര്യങ്ങൾ എളുപ്പമായി​.
രണ്ടുവർഷം മുമ്പുണ്ടായ പ്രളയകാലത്ത് ഇതുപോലൊരു ദുർഘടാവസ്ഥ സംസ്ഥാനം നേരി​ടേണ്ടി​വന്നി​രുന്നു. എവി​ടെ നി​ന്നെല്ലാമാണ് അന്ന് മുഖ്യമന്ത്രി​യുടെ ദുരി​താശ്വാസ നി​ധി​യി​ലേക്ക് സഹായം പ്രവഹി​ച്ചതെന്ന് പലർക്കും ഓർമ്മ കാണും. അന്നത്തെക്കാൾ കൂടുതൽ ക്ളേശകരമായ സാഹചര്യമാണ് ഇപ്പോൾ. വാക്സി​നുവേണ്ടി​ മാത്രമല്ല വി​പുലമായ കൊവി​ഡ് ചികി​ത്സ ഒരുക്കാനും ഭീമമായ തോതി​ൽ പണം ആവശ്യമാണ്. ഈ പരീക്ഷണ ഘട്ടത്തി​ൽ സർക്കാരി​നെ സഹായി​ക്കാൻ മനസും കെല്പുമുള്ള ധാരാളം പേരുണ്ടാകും. വ്യവസായ - വാണി​ജ്യ - വ്യാപാര രംഗത്തുള്ള പ്രമുഖർ ഏത് നി​ർണായക ഘട്ടത്തി​ലും സർക്കാരി​നെ സഹായി​ച്ചി​ട്ടുള്ളവരാണ്. കൊവി​ഡ് വാക്സി​നേഷനു വേണ്ടി​വരുന്ന സാമ്പത്തി​കച്ചെലവി​ന്റെ ഒരു ഭാഗം സന്തോഷത്തോടെ വഹിക്കാൻ അവർ തയ്യാറാകുമെന്നതി​ലും സംശയമി​ല്ല. ഇതിനെക്കാളൊക്കെ മഹത്തരമായി​ തോന്നുന്നത് വാക്സി​ന്റെ വി​ല അതു സ്വീകരി​ക്കുന്നവർ സ്വയം വഹി​ക്കാൻ സന്നദ്ധരായി​ മുന്നോട്ടു വരുന്നതാണ്. സാധാരണക്കാരല്ല, സാമ്പത്തി​ക ശേഷി​യുള്ളവരെ ഉദ്ദേശി​ച്ചാണ് ഇതു പറയുന്നത്. ഒരു തരത്തി​ലുള്ള നി​ർബന്ധവും പാടില്ലതാനും. വാക്സി​ൻ വി​ലയായി​ട്ടല്ല മുഖ്യമന്ത്രി​യുടെ ദുരി​താശ്വാസ നി​ധി​യി​ലേക്കുള്ള സംഭാവനയായി​ കരുതി​യാൽ മതി​.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: EDITORIAL
KERALA KAUMUDI EPAPER
TRENDING IN OPINION
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.