SignIn
Kerala Kaumudi Online
Monday, 26 July 2021 8.54 PM IST

വാക്സിനായി പരക്കം പാച്ചിൽ

covid

വാക്സിനേഷൻ കേന്ദ്രങ്ങളിൽ വൻതിരക്ക്

തിരുവനന്തപുരം: കൊവിഡ് വാക്സിന് കടുത്ത ക്ഷാമം നേരിട്ടതോടെ ജനങ്ങൾ നെട്ടോട്ടത്തിൽ. വാക്സിൻ നൽകുന്ന കേന്ദ്രങ്ങളിലെല്ലാം വൻതിരക്ക്. ഓൺലൈനിൽ രജിസ്റ്റർ ചെയ്തവർ കൂട്ടത്തോടെ എത്തിയതോടെ നീണ്ട ക്യൂ പലപ്പോഴും സംഘർഷത്തിനും ഇടയാക്കുന്നു.

രജിസ്റ്റർ ചെയ്തവർക്ക് വാക്സിനെടുക്കുന്നതിന് സമയം നൽകിയിട്ടുണ്ടെങ്കിലും വാക്സിൻ തീർന്നുപോകുമോയെന്ന ആശങ്കയിൽ രാവിലെ മുതൽ തന്നെ വിതരണകേന്ദ്രങ്ങളിലെത്തുന്നതാണ് പ്രശ്നം. ആരോഗ്യ പ്രവർത്തകരും പൊലീസും ചേർന്ന് ഇവരെ നിയന്ത്രിക്കാൻ ശ്രമിച്ചെങ്കിലും ഫലമുണ്ടായില്ല. ഓൺലൈനിൽ രജിസ്റ്റർ ചെയ്തവരിൽ പലർക്കും അകലെയുള്ള കേന്ദ്രങ്ങളിലാണ് അനുമതി കിട്ടിയിരിക്കുന്നത്. ആദ്യ ഡോസ് വാക്സിൻ എടുത്തവർക്ക് രണ്ടാം ഡോസിന് കിട്ടിയിരിക്കുന്നതും വളരെ ദൂരെയുള്ള കേന്ദ്രങ്ങളിലാണ്. പ്രായമായവരെയാണ് ഇത് കൂടുതൽ ബുദ്ധിമുട്ടിലാക്കുന്നത്. ചിലർക്ക് ഓൺലൈനിൽ രജിസ്റ്റർ ചെയ്യാനും കഴിഞ്ഞില്ല. ഒ.ടി.പി കിട്ടാത്തതുമൂലം രജിസ്റ്റർ ചെയ്യാനാവാതെ പലരും വിഷമിച്ചു. ഇതുമൂലം പലർക്കും ഇന്നലെ രജിസ്റ്റർ ചെയ്യാനായില്ല. എന്നാൽ സാങ്കേതിക തകരാർ പരിഹരിച്ചെന്നാണ് ആരോഗ്യ വകുപ്പ് അധികൃതർ പറയുന്നത്. സർക്കാർ കേന്ദ്രങ്ങളിൽ തിരക്കായതോടെ പലരും സ്വകാര്യ ആശുപത്രികളെ അഭയം പ്രാപിക്കുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID19
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.