SignIn
Kerala Kaumudi Online
Thursday, 29 July 2021 7.26 AM IST

ഒറ്റ റൺസിന് തോറ്റ് ക്യാപിറ്റൽസ്

ipl-rcb

ബാംഗ്ളൂർ 171/7, എ.ബി ഡിവില്ലിയേഴ്സിന് അർദ്ധസെഞ്ച്വറി(42 പന്തുകളിൽ 75 റൺസ് )

ഡൽഹി ക്യാപിറ്റൽസ് 170/4,റിഷഭിനും (58*) ഹെട്മേയർക്കും (53*) അർദ്ധ സെഞ്ച്വറി

അഹമ്മദാബാദ് : അവസാന പന്തിൽ സിക്സടിച്ചാൽ ജയിക്കാമായിരുന്ന മത്സരത്തിൽ ഒറ്ററൺസിന് തോറ്റ് ഡൽഹി ക്യാപിറ്റൽസ്. ഇന്നലെ ബാംഗ്ളൂർ റോയൽ ചലഞ്ചേഴ്സിനെതിരായ ഐ.പി.എൽ മത്സരത്തിലാണ് റിഷഭ് പന്തിനെയും കൂട്ടരെയും ദുർവിധി വേട്ടയാടിയത്. ഇന്നലെ ടോസ് നഷ്ടപ്പെട്ട് ബാറ്റിംഗിനിറങ്ങിയ ബാംഗ്ളൂർ അഞ്ചുവിക്കറ്റ് നഷ്ടത്തിലാണ് 171 റൺസ് നേടിയത്. അവസാന സമയത്ത് 42 പന്തുകളിൽ മൂന്ന് ഫോറും അഞ്ചു സിക്സുമടക്കം 75 റൺസുമായി കത്തിപ്പടർന്ന എ.ബി ഡിവില്ലിയേഴ്സാണ് വിരാടിന്റെ ടീമിനെ മാന്യമായ നിലയിലെത്തിച്ചത്.

മറുപടിക്കിറങ്ങിയ ഡൽഹിക്ക് 170/4 എന്ന സ്കോറിലേ എത്താനായുള്ളൂ. ശിഖർ ധവാൻ (6),സ്റ്റീവൻ സ്മിത്ത് (4), പൃഥ്വി ഷാ (21), സ്റ്റോയ്നിസ് (22)എന്നിവർ പുറത്തായ ശേഷം ക്രീസിൽ ഒരുമിച്ച റിഷഭ് പന്തും (48 പന്തുകളിൽ ആറു ഫോറടക്കം പുറത്താകാതെ 58 റൺസ്),ഷിമ്രോൺ ഹെട്മേയറും (25 പന്തുകളിൽ രണ്ട് ഫോറും നാലു സിക്സുമടക്കം 53 റൺസ് ) അവസാന പന്തുവരെ പൊരുതിനോക്കിയെങ്കിലും ഫലമുണ്ടായില്ല.

സീസണിലെ അഞ്ചാം വിജയത്തോടെ 10 പോയിന്റുമായി ബാംഗ്ളൂർ ഒന്നാം സ്ഥാനം വീണ്ടെടുത്തു. ആറുകളികളിൽ രണ്ടാം തോൽവി വഴങ്ങിയ ഡൽഹി എട്ടു പോയിന്റുമായി മൂന്നാമതുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, IPL RCB
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.