മനില: അഞ്ചാം വയസിൽ ആരംഭിച്ച പെർസിവൽ ലുഗ്വെക്കിന്റെ കളിപ്പാട്ട പ്രേമം ഇന്നും ശക്തമായി തുടരുന്നുണ്ട്. 50 വയസുകാരനും ഫിലിപ്പൈൻസ് സ്വദേശിയുമായ ലുഗ്വെയുടെ കൈയ്യിൽ ഇപ്പോൾ 20,000ത്തോളം കളിപ്പാട്ടങ്ങളുണ്ട്. മക്​ഡൊണാൾഡ്​സ്​, ബർഗർ കിംഗ്​, ഫിലിപ്പൈൻസിലെ പ്രമുഖ റെസ്റ്റോറന്റായ ജോളിബീ എന്നിവിടങ്ങളിൽ നിന്നാണ് ലുഗ്വെക്ക് കളിപ്പാട്ടം ശേഖരിക്കുന്നതെന്നതാണ് ഏറ്റവും വലിയ പ്രത്യേകത. വീട്ടിലെ ഒരു മുറിയുടെ സീലിംഗ് വരെ കുന്നുകൂടി കിടക്കുകയാണ്​ കളിപ്പാട്ടങ്ങൾ. 2014ൽ കളിപ്പാട്ട ശേഖരണം 10,000 തികഞ്ഞപ്പോൾ അദ്ദേഹത്തിന്​ ഗിന്നസ്​ റെക്കോഡും ലഭിച്ചിരുന്നു.

ചെറുപ്പം മുതലേ, സ്വന്തം കളിപ്പാട്ടങ്ങൾ സൂക്ഷിച്ച്​വയ്ക്കാനും മനോഹരമായി പ്രദർശിപ്പിക്കാനും ലുഗ്വെ ശ്രദ്ധിച്ചിരുന്നു. 1988ൽ മാതാവ്​ സമ്മാനമായി നൽകിയ ജോളിബി ചൈനിന്റെ ചിഹ്നമായ 'ഹെറ്റി സ്​പഘെറ്റി'പ്രതിമയാണ്​ ലുഗ്വെയുടെ ഏറ്റവും

ഇഷ്​ടപ്പെട്ടതും നിധി പോലെ സൂക്ഷിക്കുന്നതുമായ കളിപ്പാട്ടം.

കളിപ്പാട്ടം ഒരു കഥാകാരനെപ്പോലെയാണ്. ഉദാഹരണത്തിന്, എന്റെ കൈയ്യിലുള്ള ഒാരോ കളിപ്പാട്ടവും അത്​ എനിക്ക്​ ​എപ്പോഴാണോ ലഭിച്ചത്​ ആ പ്രത്യേക കാലഘട്ടത്തിന്റെ കാഴ്ച അവ​ നൽകുന്നു. അവ എന്റെ കൈയ്യിൽ എത്തിയതുമായി ബന്ധപ്പെട്ട്​ നടന്ന സംഭവങ്ങൾ എന്തൊക്കെയാണെന്ന്​ മനസിലേക്ക്​ ഒാടിയെത്തും. മറ്റുള്ളവർക്ക് അവരുടെ ബാല്യകാല ഓർമ്മകളിലേക്ക്​ തിരിച്ചുപോകാൻ അവസരം നൽകുന്നതിന് ഒരു മ്യൂസിയം തുറക്കുക എന്നതാണ് ഇപ്പോൾ എന്റെ ആഗ്രഹം - ലുഗ്വെക്ക് പറയുന്നു.