SignIn
Kerala Kaumudi Online
Tuesday, 18 May 2021 5.46 PM IST

വീഡിയോ കോളിനിടെ ക്യാമറ ഓൺചെയ്‌ത് സെക്‌സ് വീഡിയോ പ്രദർശിപ്പിക്കും, ഇത് കാണുന്നതായി കാട്ടി ഭീഷണിപ്പെടുത്തി പണം തട്ടും; വാട്‌സാപ്പ് വഴി ഹണിട്രാപ്പ് തട്ടിപ്പ് വർദ്ധിക്കുന്നു

honeytrap

കൊച്ചി: ഹണിട്രാപ്പ് കെണികളുമായി ഫേസ്‌ബുക്കിൽ ക്രിമിനൽ സംഘങ്ങൾ സജീവമാണെന്ന വാർത്തകൾ നമ്മൾ കണ്ടിട്ടുണ്ട്. മെസഞ്‌ജറിലൂടെ വീഡിയോ കോൾ ചെയ്‌ത് വലയിൽ വീഴ്‌ത്തി പണം തട്ടുന്നതായിരുന്നു അവരുടെ തട്ടിപ്പ് രീതി. എന്നാൽ ഇപ്പോൾ വാട്‌സാപ്പ് വഴിയും ഇത്തരം സംഘങ്ങൾ സജീവമാകുന്ന വാർത്തയാണ് പുറത്തുവരുന്നത്. കഴിഞ്ഞ ഒരു മാസത്തിനിടെ 25 പരാതികളാണ് എറണാകുളം റൂറൽ പരിധിയിൽ ഇത്തരത്തിൽ ലഭിച്ചത്. സമൂഹത്തിന്റെ ഉന്നത ശ്രേണിയിലുള‌ളവരെയാണ് ഇത്തരക്കാർ എളുപ്പത്തിൽ പിടികൂടുന്നത്.

പഴയ പരിചയക്കാരെന്ന ഭാവത്തിൽ സൗഹൃദം സ്ഥാപിക്കും. സ്‌കൂളിലോ കോളേജിലോ ഒന്നിച്ച് പഠിച്ചതാണെന്ന് പറയും. സംസാരിച്ച് വീഴ്‌ത്തിക്കഴിഞ്ഞാൽ പിന്നെ വാട്‌സാപ്പ് വീഡിയോകോൾ വഴി സംസാരിക്കാം എന്ന് ആവശ്യപ്പെടും. ഈ വലയിൽ വീഴുന്നവർക്ക് നേരെ ലൈംഗിക ചുവയിൽ സംസാരിച്ച് അവരോട് നഗ്നത പ്ര‌ദർശിപ്പിക്കാൻ പറയും. ഇതിൽ വീഴുന്നവരെ പിന്നീട് ഈ ചിത്രങ്ങൾ കാട്ടി ബ്ളാക്‌മെയിൽ ചെയ്യും. ഇനി അഥവാ ഇതിലൊന്നും വീണുപോകാത്തവരാണെങ്കിൽ ഇവർക്ക് നേരെ മുൻ ക്യാമറ രഹസ്യമായി ഓൺചെയ്‌ത് സെക്‌സ് വീഡിയോ കാട്ടും. പിന്നെ അതിന്റെ ചിത്രമോ വീഡിയോയോ റെക്കാഡ് ചെയ്‌ത് പ്രദർശിപ്പിക്കും. ഇത് സുഹൃത്തുക്കൾക്കും ബന്ധുക്കൾക്കും അയക്കാൻ പോകുന്നതായി ഭീഷണിപ്പെടുത്തി പണം തട്ടും.

മുൻപ് ഇത്തരം കേസുകളിൽ പ്രതികളായിരുന്നത് വടക്കേ ഇന്ത്യക്കാരായിരുന്നെങ്കിൽ ഇപ്പോൾ ഇത്തരം ചതിയുടെ പിന്നിൽ മലയാളികൾ തന്നെയാണ്. ഫേസ്‌ബുക്കിലൂടെ അപരിചിതരായ ആളുകൾ ഫോൺ ചെയ്‌ത് നഗ്നത പ്രദർശിപ്പിക്കുന്ന തട്ടിപ്പ് വർ‌ദ്ധിച്ചതോടെ പൊലീസ് ഇവയ്‌‌ക്കെതിരെ മുന്നറിയിപ്പ് നൽകിയിരുന്നു. ഇതോടെ പഴയ സുഹൃത്തുക്കളെന്ന ഭാവേന വാട്‌സാപ്പ് സന്ദേശങ്ങൾ അയച്ച് വീഴ്‌ത്തുന്ന പുതിയ തട്ടിപ്പ് രീതിയാണ് ഇപ്പോൾ സംഘങ്ങൾ പിന്തുടരുകയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WHATSAPP CHAT, HONEYTRAP, KERALA
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.