2013ൽ പുറത്തിറങ്ങിയ 'മുംബൈ പൊലീസ്' എന്ന ചിത്രത്തിന് റീമേക്ക് ഒരുങ്ങുന്നു.
സിനിമ പുറത്തിറങ്ങി എട്ടുവർഷം തികഞ്ഞ വേളയിൽ സംവിധായകൻ
റോഷൻ ആൻഡ്രൂസാണ് ഇക്കാര്യം സമൂഹമാദ്ധ്യമങ്ങളിലൂടെ പങ്കുവച്ചത്. മുംബൈ
പൊലീസിന്റെ ലൊക്കേഷൻ ചിത്രങ്ങളും സംവിധായകൻ പങ്കുവെച്ചിട്ടുണ്ട്.
'മുംബൈ പൊലീസിന്റെ എട്ടു വർഷങ്ങൾ. ചില മികച്ച നിമിഷങ്ങൾ
നിങ്ങളുമായി പങ്കുവെയ്ക്കുന്നു.. അളിയാ.. ആളുകൾ ഇപ്പോഴും ഈ സിനിമയെ
കുറിച്ച് സംസാരിക്കുന്നു. ഞങ്ങൾ ഉടൻ തന്നെ ചിത്രം റീമേക്ക് ചെയ്യും..
വിവരങ്ങൾ പിന്നാലെ.. കാത്തിരിക്കുക..' എന്നാണ് റോഷൻ ആൻഡ്രൂസ്
ഫെയ്സ്ബുക്കിൽ കുറിച്ചിരിക്കുന്നത്.
പൃഥ്വിരാജ് സ്വവർഗപ്രണയിയായ നായക കഥാപാത്രത്തെ അവതരിപ്പിച്ച
ചിത്രമാണ് മുംബൈ പൊലീസിൽ
ജയസൂര്യ, റഹമാൻ, അപർണ നായർ, ഹിമ ഡേവിസ് എന്നിവരാണ് മറ്റു പ്രധാന
കഥാപാത്രങ്ങളെ അവതരിപ്പിച്ചത്.ബോബി സഞ്ജയ് ടീം തിരക്കഥ ഒരുക്കിയ ചിത്രത്തിന് 2013ലെ മികച്ച
തിരക്കഥക്കുള്ള കേരള സംസ്ഥാന അവാർഡ് ലഭിച്ചിരുന്നു
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |